A Liga Iberdrola puxo o seu punto y final a esta tempada. Unha campaña no que o Deportivo ABANCA amosou o seu potencial e deu un puño na mesa no seu debut na máxima categoría do fútbol feminino. O conxunto branquiazul terminou en cuarto lugar e gañou o respeto dos grandes clubs da categoría. Manu Sánchez, o seu adestrador, quixo facer balance e repaso a unha “tempada máxica, inesquecible e histórica, aínda que xa miramos con optimismo para o futuro”.
Manu espera que pronto se declare unha Primeira Iberdrola profesional porque cre que sería o mellor. “Actualmente danse todos os condicionantes para que a Primeira Iberdrola sexa profesional”.
“Reúne todos os requisitos para ser declarada profesional, as xogadoras teñen un convenio propio, contratos profesionais, unha estrutura e organización profesional, medios de comunicación detrás e o empuxe que está a dar o afeccionado. Creo que é o momento”, advertiu o técnico galego.
Manu Sánchez, adestrador do Dépor: “Creo que é o momento e danse todos os condicionantes para que a Primeira Iberdrola sexa profesional”.
Un Dépor que chama a atención
O preparador deportivista admitiu que a campaña que fixo o Deportivo “chamou moito a atención de todo o mundo” e considerou “normal que todo o mundo interésese” polas posibilidades de fichar a xogadoras branquiazuis. Ademais, recoñeceu o outro lado da moeda, xa que debido a gran campaña feita polo Dépor, hai moitas xogadoras interesadas en xogar na Coruña a vindeira campaña. Aínda así, recoñece que o maior rival para incorporar fichaxes “segue sendo o coronavirus”.
Manu Sánchez, adestrador do Dépor: “O Dépor chamou moito a atención de todo o mundo. É normal que haxa clubs interesados en fichar a xogadoras branquiazuis”.
Baixas de xogadoras importantes
Un dos grandes retos do técnico galego de cara a tempada que vén vai ser reiventarse debido as máis que posibles saídas de xogadres moi importantes como é o caso de Misa, María Méndez ou Nuria Rábano. “O club ofreceu renovacións a todas o xogadoras pero son decisións que toman elas e que entendemos como normais dentro do mundo profesional e o noso labor é traballar para ter o mellor aquí. Elas miran polo seu e son casos diferentes. Se se concretan as saídas só podemos desexar moita sorte a todas as xogadoras”.
Manu Sánchez, adestrador do Dépor: ““O club ofreceu renovacións a todas o xogadoras pero son decisións que toman elas e que entendemos como normais dentro do mundo profesional”.
Un caso diferente é o de Tere Abelleira. A centrocampista segue dubidando entre aceptar algunha das ofertas que ten encima da mesa ou aceptar a oferta de renovación. Manu cre que “Agora mesmo o mellor sitio para Teresa está aquí. Está na súa casa e é o mellor sitio para que siga crecendo, pero é unha decisión que ten que tomar ela. A oferta de renovación está aí e xa ten que ser ela a que decida. Todo depende dela e non podemos esperar. Temos que seguir funcionando como proxecto porque o tempo corre e o mercado móvese”.
Manu Sánchez, adestrador do Dépor: “Agora mesmo o mellor sitio para Teresa está aquí. Está na súa casa e é o mellor sitio para que siga crecendo”.
Caras novas
O técnico quixo facer referencia tamén a dúas das xogadoras que chegarán este verán ao Deportivo: Noelia Bermúdez e Helena Torres. “Noelia é unha porteira na que nos fixamos hai tempo e coñecémola ben. Tiñamos moitos informes e estamos moi contentos coa súa incorporación. Forte, con envergadura e bo xogo aéreo e de pés. Xunto a Sullastres creo que temos a portería ben cuberta. Estamos a traballar en confeccionar un persoal competitivo. Renovamos toda a fronte de ataque e iso é importante porque somos o segundo equipo máis realizador da categoría e dános tranquilidade. Agora hai que completar o resto de liñas”.
Manu Sánchez, adestrador do Dépor: “Noelia é unha porteira na que nos fixamos hai tempo e coñecémola ben. Tiñamos moitos informes e estamos moi contentos coa súa incorporación”.
Pola súa banda, Helena “é unha xogadora que nos gusta moito porque ten un perfil diferente ao que temos. Gran xogo de costas, disparo forte, envergadura. Pódenos dar moitas solucións para ter outras formulacións noutro tipo de partidos e espero que nos dea moitas cousas”.
Manu Sánchez, adestrador do Dépor: “Helena é unha xogadora que nos gusta moito porque ten un perfil diferente ao que temos. Gran xogo de costas, disparo forte, envergadura”.
Un ano máxico
O técnico considerou que para o Deportivo ABANCA finalizou “un ano máxico, encadeado ao ano pasado”, en que logrou o ascenso e recoñeceu que será complicado repetir algo así. “Dixemos varias veces que a tempada foi inesquecible e irrepetible. Máis aló de que haxa máis ou menos cambios para o seguinte, o que fixemos este ano, como o fixemos, o espírito que había en todo o que faciamos, fai que dificilmente podamos ver algo así, pero estamos a traballar con toda a ilusión de repetilo”, comentou.
Manu Sánchez, adestrador do Dépor: ““Dixemos varias veces que a tempada foi inesquecible e irrepetible. Fai que dificilmente podamos ver algo así, pero estamos a traballar con toda a ilusión de repetilo”.
“Carolina peca un pouco de descoñecemento”
O técnico galego falou sobre as palabras da súa xogadora Carolina Arbeláez na que tachou á RFEF de machista pola decisión de suspender a Liga Iberdrola e non facer o propio coa masculina. Manu cre que “Carolina peca un pouco de descoñecemento, acaba de chegar, está a aterrar e expresa unha opinión que non é a real. Neste caso, a Primeira división feminina depende da Federación e esta tomou unha decisión para todas as competicións, independentemente de se é masculina ou feminina, porque entende que non se dan todas as condicións”, declarou.
Manu Sánchez, adestrador do Dépor: “Carolina peca un pouco de descoñecemento, acaba de chegar, está a aterrar e expresa unha opinión que non é a real”.
As xogadoras do Dépor agora pensan nas vacacións cos deberes feitos pero cun importante traballo por diante. Manu Sánchez falou deste aspecto e asegurou que “o seguinte paso ten que ser consolidar este proxecto. Fixemos unha tempada espectacular e agora hai que dar solidez a ese traballo para que non veña abaixo. O primeiro será conseguir a permanencia para consolidar a base que temos asentada, mirando para arriba porque somos ambiciosos aínda que sempre cos pés no chan”.
Manu Sánchez, adestrador do Dépor: “O seguinte paso ten que ser consolidar este proxecto. Fixemos unha tempada espectacular e agora hai que dar solidez a ese traballo para que non veña abaixo”.
