Manu Sánchez cualificou o pasado venres en rolda de prensa en ABANCA-RIAZOR o sorteo de cuartos de final da Copa da Raíña, a partido único no Estadio Johan Cruyff o próximo 26 de febreiro, como “complicado pero tamén ilusionante dentro da tempada que estamos a facer. Visitaremos un dos estadios máis importantes do país contra un equipo que está nun bo momento de forma”.
Manu Sánchez, adestrador do Dépor: “Visitaremos un dos estadios máis importantes do país contra un equipo que está nun bo momento de forma”.
O técnico branquiazul apuntou que “imposible non hai nada no fútbol. Estamos nun Club famoso por este tipo de fazañas. Tentaremos dar unha boa imaxe alí e se podemos dar a sorpresa… Despois do partido do martes tiñamos a ilusión de volver xogar aquí en ABANCA-RIAZOR. O sorteo depáranos xogar fóra. A seguir”.
Manu Sánchez, adestrador do Dépor: “Imposible non hai nada no fútbol. Estamos nun Club famoso por este tipo de fazañas. Tentaremos dar unha boa imaxe alí e se podemos dar a sorpresa…”.
Admite que “as ilusións despois do martes e dos resultados do mércores creceron moito. A gran ilusión que tiñamos dentro do grupo e da afección era poder volver gozar un día como o que vivimos en ABANCA-RIAZOR independentemente do rival. Non sendo así, non imos obviar ao equipo ao que nos enfrontamos e o momento de forma que atravesa. Acábao de demostrar na Supercopa. É un rival dificilmente alcanzable. Imos tentar que alí no Johan Cruyff véxase ao Dépor”.
Manu Sánchez, adestrador do Dépor: “A gran ilusión que tiñamos dentro do grupo e da afección era poder volver gozar un día como o que vivimos en ABANCA-RIAZOR independentemente do rival. Imos tentar que alí no Johan Cruyff véxase ao Dépor”.
Finalmente, valorou positivamente a renovación de Esther Sullastres: “É unha xogadora importante para nós. Está a realizar unha gran tempada despois de case dous anos en branco. Estamos contentos. Xa é unha de asnosas. Na liña de manter este bloque que nos está dando tantas alegrías”.
