O Dépor ABANCA xogará mañá domingo no Estadio Municipal de Riazor diante do Atlético de Madrid, un dos ósos máis duros de roer da Primera Iberdrola. Manu Sánchez, adestrador do equipo branquiazul, comparecía en rolda de prensa ante os medios sabedor da situación do equipo, na que asume “a presión”, do nivel do rival, “ao que non vou descubrir agora”, pero tamén confiado nas posibilidades do bloque que prepara, unhas futbolistas ás que “non selles olvidou xogar ao fútbol”, advirte ao tempo que explica que o traballo semanal estivo enfocado a buscar mudar “a mentalidade”.
A situación clasificatoria do Dépor é preocupante. Nese sentido, o míster admite que o “equipo está doído, que non abatido. Polos resultados, polas circunstancias, polo feito de como se producen, que non teñen nada que ver co que somos e facemos como equipo”, explica.
“Este proxecto basease en moito corazón e alegría, recuperala leva ao resto”
Buscando o revulsivo anímico, Manu Sánchez explicaba aos medios que “esta semana houbo un cambio de mentalidade. O equipo adestrou con outra alegría. Desde o corpo técnico tentamos fomentar hábitos diferentes, cambiar rutinas e roles para tratar de limpar a mente dese resíduo que temos encima que parece que todo o que facemos o facemos mal e non é así. Tratamos de inculcar iso no equipo”, relataba o adestrador.
Segundo explicaba o técnico, “o equipo entendeu moi ben, entendeu moi claramente o que queremos buscar, o que temos que facer. Falta ver se somos capaces de desenvolvelo o domingo”, puntualiza sobre ese reseteo da mentalidade nas futbolistas do conxunto galego.
Manu Sánchez, adestrador deportivista: “O equipo entendeu moi claramente o que queremos buscar, o que temos que facer. Falta ver se somos capaces de desenvolvelo o domingo”.
Nesa procura dun cambio de actitude anímica “tentamos mudar moitas cousas. O traballo é similar, pero modificamos rutinas, que visen cousas diferentes, que tivesen estímulos diferentes. Xerou un traballo bo, distendido… Alguén que non nos coñeza pode pensar que levamos cero puntos, sen ningún partido e estamos alegres. Pois iso forma parte da nosa esencia. Este proxecto baséase en moitísimo corazón e moitísima alegría. Recuperar iso vainos a levar ao resto. É o que buscamos esta semana. A ver se con iso e facendo as cousas ben no campo somos capaces de plantarlle moita cara ao Atlético”, augura o adestrador.
Manu Sánchez, adestrador do Dépor ABANCA: “Desde o corpo técnico tentamos fomentar hábitos diferentes, cambiar rutinas e roles para tratar de limpar a mente dese resíduo que temos encima. Parece que todo o que facemos o facemos mal e non é así. Tratamos de inculcar iso no equipo. Mudar a mentalidade”
As colchoneras, un óso duro de roer
Non son poucas as persoas que pensan entre a afección deportivista que o Atlético de Madrid pode que sexa un dos peores rivais que lle podían tocar en sorte neste momento da competición ao Dépor ABANCA. E así se lle trasladou ao míster, ao que se lle preguntou se era o peor ou o mellor momento para medir forzas a un plantel deste nivel futbolistico. Manu Sánchez respondía á pregunta moi seguro de como tiña que afrontar o bloque branquiazul este reto. “Estamos nunha situación na que non temos rivais fáciles, nin difíciles. Temos unha frase para cada convocatoria, e parte da frase desta semana, é esa. Temos que tratar de afrontar buscando sumar, gañar. Tras a racha que levamos non nos temos que preocupar se o que temos en fronte será duro ou difícil”.
Manu Sánchez, adestrador das coruñesas: “Estamos nunha situación na que non temos rivais fáciles, nin difíciles”
Na súa argumentación, Manu Sánchez aseveraba: “Cometeriamos un erro de medir as nosas forzas en virtude do rival e non estamos nesa situación. Estamos nunha situación na que queremos gañar partidos, queremos recuperar sensacións, recuperar alegría…”
Manu Sánchez, técnico branquiazul: “O Atlético de Madrid son once xogadoras que se interpoñen no noso obxectivo, hai que pasar por encima delas para conseguilo. Non hai máis”
Non agacha o adestrador herculino o enorme nivel das contrincantes. “É obvio que o Atlético de Madrid é, se cadra, o mellor equipo dos últimos cinco anos en España. Ten un plantel espectacular. É un proxecto de fútbol feminino que non vou descubrir aquí. Pero ao final son once xogadoras que imos ter diante, once xogadoras que se interpoñen no noso obxectivo, hai que pasar por encima delas para conseguilo. Non hai máis”.
Manu Sánchez: “No club non me transmiten presión, asúmoa eu”
Adoita falar claro, e nese sentido Manu Sánchez non esconde as dificultades que xestiona. O técnico coruñés confesa que a situación do equipo non é agradable, pero explicaba aos medios que el é a mesma persoa nas vitorias e nas derotas. “Eu son o mesmo gañando que perdendo”, apostilla.
Para o entrenador herculino “o fútbol é un deporte de futbolistas, estamos aquí para tratar de axudalas, para xerar o mellor escenario posible para que as cousas se dean. E cando as cousas van mal, para ser o primeiro en recibir críticas e paus. Non me xera ansiedade, vai no cargo que ostento. Isto é o Dépor, é unha entidade moi grande. É unha grandísima responsabilidade. Desde o club non me transmiten presión, pero asúmoa eu, como a asumín desde o primeiro día. Vai seguir sendo gañemos ou perdamos”.
Manu Sánchez, entrenador do Dépor ABANCA: “Non están a saír as cousas, pero as futbolistas traballan, poñen todo da súa parte, danlle mil voltas a todo. É unha pena que non estea a funcionar, pero queda moito por pelexar e pelexarémolo até o final”
Consultado sobre como xestiona esa presión, Manu Sánchez sinalaba que o fai “só na miña casa tranquilamente, cando teño que pasar os momentos duros. E aquí traballor e transmítolles confianza. Elas non se esqueceron de xogar ao fútbol. Non están a saír as cousas, pero traballan, poñen todo da súa parte, danlle mil voltas a todo. É unha pena que non estea a funcionar, pero queda moito por pelexar e pelexarémolo até o final”, avisa.
Ademais da mentalidade, o Dépor recuperará o debuxo que o fixo medrar
Nesa búsqueda de reverter a situación e comezar a puntuar, ademais de procurar un revulsivo na mentalidade das futbolistas, unha das variables que houbo nestes partidos do Dépor ABANCA foi que se mudou o esquema táctico varias veces á procura do que mellor partido puidese tirar neste momento.
Consultado sobre esos cambios no debuxo sobre o campo, Manu Sánchez explicaba que “Desde os inicios xogamos sempre dunha forma. Na campaña 2017-18 démoslle un cambio polas xogadoras que incorporamos ao plantel, creamos ese modelo de xogo co que xogamos até a data. Foinos moi ben”.
Manu Sánchez: “Démoslle voltas aos sistemas para tratar de fortalecer a solidez como equipo e non o logramos”
Sen embargo, nesta tempada 2020 – 2021 o habitual esquema non terminaba de prender no fútbol branquiazul, e así o detectaron no corpo técnico deportivista. “Neste inicio de tempada eses mecanismos que teñen que decidir ben as futbolistas non estaban a funcionar. Se cadra as novas incorporacións custoulles entendelo, ás que xa estaban aquí entenderse coas novas, a nós transmitilo, ao final xuntouse todo. Vimos que non funcionaba. Démoslle voltas aos sistemas para tratar de fortalecer a solidez como equipo e non o logramos”.
Finalmente, segundo deixou entrever o adestrador, o Dépor ABANCA voltará ás súas orixes, ao debuxo que fixo medrar a este bloque de futbolistas. “Démoslle unha volta e creo que temos que agarrarnos ao que nos trouxo aquí, ao que somos. Para o que estamos preparadas. Deseñamos unha plantilla buscando un obxectivo de xogo claro e imos incidir sobre iso e reforzalo. Con iso é co que temos que tirar adiante”, afirmou o entrenador.
Volve Peke pero son baixa Kenni e Michelle Romero
Sobre a convocatoria de Peke co RC Deportivo ABANCA e a súa posible achega desde o terreo de xogo, Manu Sánchez amosouse comedido. “Temos que tomar a decisión no corpo técnico.”, dixo. Para iso, advertiu que teñen “moi en conta o que din vos médicos. Tivemos unha reunión o venres. É unha ledicia ter a Peke nos adestramentos, contar con ela no grupo. Ven dun parón de case un mes. Pero é unha xogadora que se coida moito, moi profesional e a súa recuperación tamén leva menos tempo que noutros casos. Imos ver que pode facer”, manifestou deixando no aire o concurso da dianteira deportivista tanto no once como no transcurso do partido.
Con todo, a presencia de Peke no banco branquiazul sería, posiblemente, un punto máis ao favor dese cambio de mentalidade que se procura, desa volta ao fútbol alegre que caracterizaba ao Dépor ata este curso.
Segue sendo baixa Kenni, pero “por fin esta semana adestrou co grupo. So tivo un adestramento completo, e parece que pode xa ir entrando na dinámica de grupo” explicaba Sánchez. O técnico trasladaba aos medios a ausencia de Michelle Romero “caeulle Aldana enriba do xeonllo e ten un aescordadura. É leve pero non pode estar a disposición do equipo”.
En Riazor pero case seguro que sen público
Consultado sobre a elección do escenario de xogo, o Estadio Municipal ABANCA-RIAZOR, Sánchez restoulle importancia. “Non hai un motivo especial”, para disputar o partido nesa cancha, segundo explicaba o técnico. “Usar o campo principal do club atende a varios motivos: deportivos, de disponibilidade… non é algo sexa inaudito. Desde a creación do feminino ou club apostou por presentar ao equipo non estadio. Non hai motivo especial”, argumenta.
Aínda que está por confirmar, o máis probable é que o partido se dispute sen público debido as restricións vixentes na cidade da Coruña por mor da situación sanitaria derivada da pandemia de COVID-19. Contar cun número importante de seareiras nas bancadas si sería un feito diferencia para o equipo deportivista que sempre tivo unha grande achega de folgos por parte da súa afección.
