Manu Cossío: “O noso obxectivo a curto prazo é clasificarnos o máis arriba posible neste primeiro grupo no que estamos”
O técnico de Vilagarcía de Arousa asumiu os mandos do Poio en pleno confinamento e recoñece que "presentarme ás xogadoras por teléfono e realizar as primeiras sesións de adestramento por Zoom, non é a situación idónea"
Manu Cossío incorporouse ao banco do Poio Pescamar en pleno confinamento. A saída de Raúl Jiménez abriu a porta a una fichaxe atípica do técnico de Vilagarcía de Arousa, que se sumou ao equipo por víde chamada e dirixiu ás xogadoras desde casa. Agora afronta unha tempada atípica aos mandos dun Poio que quere ser importante e dar guerra nesta 1ª División de futsal.
“Pois unha situación atípica que dificilmente volverei vivir. Coñecer e presentarme ás xogadoras por teléfono e realizar as primeiras sesións de adestramento por Zoom, non é a situación idónea que uno espera ao coller un equipo, pero non quedou outra que adaptarse polo que podía vir e tentar estar preparadas o mellor posible dentro daquela anormalidade”, deste xeito recordou o adestrador a súa fichaxe polo Poio en pleno confinamento.
O técnico galego confía en “mellorar a tempada do ano pasado, tentar meter a cabeza nos postos altos e disputar play off” ainda que recoñece que “imos paso a paso”. Tamén amosouse moi contento polo “traballo de pretemporada e pola gran actitude e a boa predisposición de todas as xogadoras”.
Adestramento via telemática do Poio en pleno confinamento – POIO
As Nosas: Como ves ao equipo tras o parón e tras tantos meses sen poder competir?
Manu Cossío: Tiñamos a incerteza de como ían responder as mozas despois de tanto tempo. Chegaron mellor do que esperabamos. A verdade é que estamos moi contentos desde o corpo técnico de como responderon ao traballo de pretemporada e pola gran actitude e a boa predisposición de todas, tanto nos adestramentos como nos partidos de preparación que disputamos.
Manu Cossío, adestrador do Poio Pescamar: “A verdade é que estamos moi contentos desde o corpo técnico de como responderon ao traballo de pretemporada e pola gran actitude e a boa predisposición de todas”
AS:Esta tempada 20/21 será, sen dúbida, atípica por todo o que rodea. Cres que pode ser unha oportunidade para que sexa una liga más competida e equipos podan dar a sorpresa?
MC: É certo que este ano entran en escena factores novos que outros anos non os había. Paróns que terán que facer equipos por temas de confinamento, baixas pola COVID, dispoñibilidade de instalacións para adestrar e demais van influír. Creo que ao final a medida que a competición avance, cada equipo irá atopando o seu sitio na clasificación segundo os seus méritos e potencial, aínda que non descarto sorpresas, sobre todo no primeiro tramo de competición.
Manu Cossío, adestrador do Poio Pescamar: “Creo que ao final a medida que a competición avance, cada equipo irá atopando o seu sitio na clasificación segundo os seus méritos e potencial, aínda que non descarto sorpresas”
Ourense Envialia – Poio Pescamar | POIO
AS: Cales son os obxectivos do Poio para este curso?
MC: O noso obxectivo é mellorar e dar pasos cara a adiante para crecer como equipo e como club. Somos ambiciosos e queremos mellorar o do ano pasado, tentar meter a cabeza nos postos altos e disputar play off, pero imos paso a paso e o noso obxectivo a curto prazo é clasificarnos o máis arriba posible neste primeiro grupo no que estamos, tentando sumar o maior numero de puntos posibles para afrontar o segundo tramo de competición con maiores garantías de éxito. En canto ás outras competicións, estamos en semifinais de Copa Galicia e Copa da Raíña da tempada anterior á espera de disputarse, e o noso obxectivo non pode ser outro que o máximo chegados a este punto.
Manu Cossío, adestrador do Poio Pescamar: “O noso obxectivo a curto prazo é clasificarnos o máis arriba posible neste primeiro grupo no que estamos”
AS: Chegaches ao banco do Poio en pleno confinamento. Como é coller a un equipo da elite do futsal en esas condicións?
MC: Pois unha situación atípica que dificilmente volverei vivir. Coñecer e presentarme ás xogadoras por teléfono e realizar as primeiras sesións de adestramento por Zoom pois non é a situación idónea que uno espera ao coller un equipo, pero non quedou outra que adaptarse polo que podía vir e tentar estar preparadas o mellor posible dentro daquela anormalidade, porque non se sabía neses momentos se concluirían as competicións.
Manu Cossío, adestrador do Poio Pescamar: “Coñecer e presentarme ás xogadoras por teléfono e realizar as primeiras sesións de adestramento por Zoom pois non é a situación idónea”
Vanessa López Abal
AS: Un positivo no Leganés aprazou comezo da tempada rojillo. Tamén aprazouse o partido da Copa Galicia por un positivo no Envialia. De que maneira pode afectar isto ao equipo?
MC: Evidentemente trastórnanos a planificación e gustarianos empezar a competir, xa que ao final é o que nos motiva e para o que adestramos, pero non nos queda outra que afrontalo con enteireza e seguir traballando ata que nos toque competir. Sabemos que vai pasar este tipo de situacións todo o ano, non só a nós se non a todos os equipos en todas as disciplinas deportivas, centrarnos no Roldán que é a nosa próxima data, traballar con ilusión ata o día do partido e coller o debut con todas as ganas do mundo.
Manu Cossío, adestrador do Poio Pescamar: “Sabemos que vai pasar este tipo de situacións todo o ano, non só a nós se non a todos os equipos en todas as disciplinas deportivas”
