Este sábado, pese a perder por goleada, Manolo Codeso, adestrador do Cidade de As Burgas, era un home feliz. Se hai unha semanas coñecíase que, de xeito matemático, o Viaxes Amarelle FSF ía xogar a seguinte fase da competición, o ‘play-off’ de ascenso cara á Primeira División, foi esta xornada cando o seu inmediato perseguedor na táboa, o Cidade de As Burgas GLS, conseguía tamén o seu boleto para participar nesa cita. O Bembrive, tamén galego, era o seu principal rival á disputa do segundo posto aínda en liza. Pero as viguesas tropezaron esta xornada perdendo 3-1 con FSF Castro, cuarto clasificado. Así que fixeron que as contas saíran a favor das ourensás.
O adestrador das verdibrancas, Manolo Codeso, amosábase feliz ao final do partido que xogaron ante, precisamente, o Viaxes Amarelle. Perderon as ourensás 7-0, pero non era tempo de lamentos, si de gozar do momento no que o traballo da tempada daba froitos cun primeiro obxectivo cumprido: entrar na seguinte fase da competición e poder loitar por regresar á elite do futsalfem estatal.
S.C.: Pouca importancia ten o resultado co obxectivo desta fase conseguido?
MANOLO CODESO: Non é excusa, pero viñamos con algunha baixa. Sabiamos a importancia deste partido por que precisamos gañar para meternos no ‘play-off’. Estabamos tamén pendentes do partido do Bembrive que perdou co Castro, así que matematicamente somos equipo de ‘play-off’.
Viñamos coa intención de facerlles dano pero agora mesmo o Viaxes Amarelle está intratable. Sabiamos o resultado do partido anterior, e encaixamos goles moi rápido. Deixámonos ir e non fumos quen de meternos no partido. agora mesmo o Amarelle leva 10 días pensando no ‘play-off’ e nós estabamos pensando en meternos. Agora é cando nos imos poñer a preparalo ben.
Hai que darlle a noraboa ao Viaxes Amarelle xa que a tempada que fixo é de sobresaínte. So queda felicitalas.
S.C.: De cara a esa seguinte fase, ao ansiado ‘play-off’, sabedes xa dos rivais? E como o frontades?
MANOLO CODESO: Máis ou menos coñecemos o rival, aínda que depende de resultados de esta xornada e da que vén. Pero nós témolo que afrontar como fixemos o resto da tempada. Levamos feito unha tempada magnífica.
Manolo Codeso, adestrador do Cidade de As Burgas:”Temos que afrontar o ‘play-off’ como fixemos o resto da tempada. Levamos feito unha tempada magnífica”
É certo que co 7-0 ata nos podíamos permitir o luxo de ter un partido así. Non é momento de corrixir, nin de botar broncas ás xogadoras, levamos un ano fantástico, traballamos para poder ter un pinchazo como o que tivemos co Amarelle, chegou o día no que nos metemos no ‘play-off’. En algún momento da tempada podes ter un partido así, foi este e contra as líderes. Hai que olvidarse desto, gañar á vindeira fin de semana para que nos quede un bo sabor de boca, e preparar o ‘play-off’ que para iso traballamos todo o ano.
⚽ #FútbolSala
🗣️ Conversamos con @mcodeso, adestrador do @cidadeasburgas logo de acadar o pase ao play-off de ascenso.
🗨️ “Tanto nós como o @amarellefsf merecémonos estar en Primeira, pero hai que demostralo”.#Entrevista 👇https://t.co/KKlwsK90pO pic.twitter.com/ofkrY2vbF3— As Nosas – Xornal Deportivo (@asnosasdeportes) May 22, 2022
S.C.: Finalmente os dous grandes candidatos galegos ao ascenso, os que ansiades regresar á elite, estades nese chanzo final a un paso de volver á Primeira, conseguirase?
MANOLO CODESO: Coido que temos posibilidades os dous. Agora mesmo vexo ao Viaxes Amarelle un paso por diante de nós e do resto do equipos que estarán nese ‘play-off’. Pero vai ser complicado. Xógase a partido único. Elas teñen a baza, que se merecen, de xogar primeiro na casa se perden aínda teñen outra opción. Nós só temos a opción de gañar cada sábado, imos preparar ben o partido de casa, que será a primeira eliminatoria. Primeiro pensamos nese.
Manolo Codeso, adestrador do Cidade de As Burgas: “Agora mesmo vexo ao Viaxes Amarelle un paso por diante de nós e do resto do equipos”
Os oito equipos que cheguemos teremos opcións. Hai que ver o estado anímico, o físico, e preparase ben. Coido que tanto nós como o Amarelle merecémonos estar en Primeira pero haino que demostrar. Será duro cada partido.
O Cidade de As Burgas GLS acompañará ao Viaxes Amarelle no ‘play-off’ de ascenso
