“O luns tivemos unha charla de grupo tras a dura derrota da semana pasada. Só queda mellorar e aprender destas derrotas. Estou seguro que imos crecer e mellorar. Entra dentro da aprendizaxe das xogadoras, do corpo técnico e o club”, de este xeito animaba Manolo Codeso ao seu plantel tras a dura derrota do pasado fin de semana fronte ao Alcorcón.
Manolo Codeso, adestrador do Cidade de As Burgas: “Que ninguén se preocupe polo resultado do sábado pasado porque seguro que nos vai a vir ben. Pódenme chamar tolo pero creo que o resultado negativo da pasada finde fortaleceunos”.
O conxunto ourensán xoga o vindeiro domingo fronte ao Penya Esplugues ás 11:00 na pista C.E.M. Les Moreres. As de Codeso buscarán unha vitoria nunha cancha moi difícil e ante un equipo que leva cinco xornadas sen coñecer a derrota.
Manolo Codeso, adestrador do Cidade de As Burgas: “”O luns tivemos unha charla de grupo tras a dura derrota da semana pasada. Só queda mellorar e aprender destas derrotas. Estou seguro que imos crecer e mellorar”.
O técnico galego fixó fincapé na ilusión coa que viaxan cara Esplugas de Llobregat: “Imos ao partido con moita ilusión. É verdade que chegamos con baixas importantes ao partido pero é o momento de que as máis novas dean un paso adiante. Teño moitas ganas de ver ás máis novas e de que demostren o que valen”.
Manolo Codeso, adestrador do Cidade de As Burgas: “Imos ao partido con moita ilusión. É verdade que chegamos con baixas importantes ao partido pero é o momento de que as máis novas dean un paso adiante”.
Manolo Codeso quixo destacar que “durante esta semana estivemos a adestrar con outro método diferente para afrontar este partido. As xogadoras de refresco terán que achegar moitísimo e estar á altura”. Ademais comentou que “será un partido complicado porque elas son un equipo que xogan moi ben co marcador. Controlan moi ben os tempos e teñen moita paciencia. Nós temos que ser valente e espero que podamos chegar ao final do partido con opcións de levarnos un resultado positivo”.
Manolo Codeso, adestrador do Cidade de As Burgas: “Durante esta semana estivemos a adestrar con outro método diferente para afrontar este partido. As xogadoras de refresco terán que achegar moitísimo e estar á altura”.
O Cidade de As Burgas chega ao partido coas baixas confirmadas de Sonia por motivos laborais, a de Canolis e a ausencia de Lucía Nespereira por sanción. As de Manolo Codeso viaxan con 8 xogadoras á cidade de Esplugas de Llobregat. As galegas, de acadar unha vitoria, poderían igualar ao Majadahonda e meterse de cheo na loita pola salvación.
