- Mame Diouf regresa á Liga Iberdrola da man do Arenal Emevé.
- A xogadora senegalesa, mellor central e mellor bloqueadora na tempada 18-19, volve ao campionato tras as súas experiencias en Israel e Casaquistán.
Mame Diouf aterra no Arenal Emevé cunha dilatada experiencia, disputou sete tempadas na máxima categoría nacional e competicións continentais como a CEV Cup “É unha das grandes apostas do club este ano. Coa súa presenza gañamos altura na parte central da rede e consistencia tanto no bloqueo como no ataque” asegura o seu técnico, Manuel Blanco.
O CV Arenal Emevé trae de volta á Liga Iberdrola á que foi unha das centrais máis contundentes do campionato no último lustro: Mame Diouf. A xogadora senegalesa, que foi a mellor bloqueadora e a mellor central da tempada 18-19, regresa a España tras as súas experiencias en Israel, onde gañou Liga e Copa co Hapoel Kfar Saba, e en Casaquistán, país no que foi subcampioa de Liga, Copa e Supercopa co Zhetysu.
Bienvenida!!!
MAME DIOUF regresa a la Liga Iberdrola para ser pieza fundamental de la muralla de nuestras #loitadoras .
Piedra a piedra la muralla va creciendo.
❤ pic.twitter.com/WEQdqQcPz7— Arenal Emevé (@cvemevelugo) May 18, 2022
Mame Diouf, que se converte na primeira pedra da muralla defensiva das Loitadoras, coñece perfectamente o campionato español no que militou en tres equipos distintos nun total de sete tempadas: Aguere La Laguna, Haro Rioja Vóley e Haris La Laguna.
Na súa primeira etapa en España logrou o subcampeonato de liga e copa (18-19), foi semifinalista da Copa da Raíña na campaña 17-18 e de Liga na 14-15. Ademais, Mame Diouf ten experiencia nalgunhas das competicións continentais de clubs máis importantes como a CEV Cup.
Manuel Blanco “Mame Diouf é unha das grandes apostas do club este ano”
O que será o seu técnico a próxima tempada, mostra a súa satisfacción pola chegada de Mame Diouf: “É unha das grandes apostas do club este ano. Coa súa presenza gañamos altura na parte central da rede e consistencia tanto no bloqueo como no ataque”, revela.
Con esta incorporación o CV Arenal Emevé feminino xa ten catro nomees confirmados do seu persoal para a próxima tempada:
- Lucía Prol
- Carolina Camino
- Jimena Fernández Gayoso
- Mame Diouf
