A oitava xornada da Primera División Femenina de voleibol remata cun mal sabor de boca para os dous equipos galegos que competiron esta fin de semana. Ambos conxuntos desprazáronse para as súas citas, o Calasancias Coruña a Salamanca para xogar contra o Universidad de Salamanca e o Aceites Abril CVO a Asturias, para enfrontarse ao Fertiberia Los Campos, e perderon os dous encontros.
As galegas do cadro coruñés seguen así na parte máis baixa da táboa, con tres puntos tras seis xornadas. O partido presentábase igualado entre ambos conxuntos que chegaban á cita coa mesma puntuación.
Con todo, as locais leváronse o encontro cun pleno de sets, logrando o 3-0, e sendo superior en todos eles acadando a máxima puntuación. As xogadoras salamantinas non deron opción ás galegas do Calasancias, que acumulan unha derrota máis na competición.
Pola súa banda, a falta de ritmo e regularidade no xogo castigou tamén ao Aceites Abril, erros dos que se aproveitou o conxunto asturiano para levarse os puntos.
No primeiro set o resultado por parte das locais foi aplastante, sentenciando o que restaba do encontro para as galegas. O segundo e terceiro set xa estiveron máis disputados, pero o conxunto ourensán non logrou impoñerse en ningún deles, malia loitar ata os últimos minutos.
No segundo tempo o Aceites Abril logrou unha lixeira vantaxe, que lles deu o set. Unha igualdade que se mantivo ata o punto 20. Foi nese momento cando as galegas ás ordes de Pablo Pérez comezaron a errar e foi capaz de facerse co set e marcaría o desenlace final do partido, co 3-1.
O CV Bruxas non disputou encontro nesta xornada, pero xogará a próxima fin de semana contra outro galego, o Aceites Abril na casa das ourensás.
