Non era o día das outras galegas da Liga Feminina 2. Tan só o Baxi Ferrol gañou na xornada 21 da competición. O Arxil perdeu por 30 puntos de diferenza ante o GDKO Ibaizabal. O Cortegada, a pesar dos 28 puntos de Cristina Loureiro, cae na comunidade veciña ante o ADBA.
O Arxil perde de 30 ante o Ibaizabal
As pontevedresas non poden frear a boa racha do Ibaizabal. As vascas impuxéronse por 30 puntos de diferenza ao Arxil: 79 a 49. Elina Koskimies foi a encargar de endosar 26 puntos. Por parte das pontevedresas, Puchetti e Díaz-Pache fixeron entre as dúas os mesmos ca xogadora do plantel vasco.
Para a semana, o Arxil regresa a casa. O sábado (14 de marzo, ás 20.30 horas) reciben no Pavillón do CGTD a un prato forte da competición, o Pacisa Alcobendas.
FICHA TÉCNICA
GDKO IBAIZABAL: Virginia Saez, Marta Miscenko, Elina Koskimies, Laura Arroyo, Alicia Villegas —quinteto inicial—, Maiane Aizpurua, Ana Iruskieta, Miren Ozaeta, Paula Portilla e Peyton Ferris.
C.B. ARXIL: Heather Forster, Carla Fernández, Johanna Puchetti, María Lago, Cristina Díaz —quinteto inicial—, Noa Casalderrey, Aldara Vázquez, Adriana Aparicio, María Rosendal, Margarita Moreira e Violeta Crespo.
PARCIAIS: 12-16/ 31-9/ 18-11/ 18-13 (79-49)
ÁRBITROS: Aitor Gómez Hernández e Pablo Mirantes Ibabe.
INCIDENCIAS: Partido correspondente a xornada 21 da Liga Feminina 2 de baloncesto no que enfrontou ao GDKO Ibaizabal e o C.B. Arxil no Polideportivo Urreta.
O Cortegada cae ante o ADBA
As de Vilagarcía comezaron novamente moi baixas. No segundo tempo intentaron impoñer sobre a pintura asturiano o seu xogo e acercáronse ao ADBA.
Tralo descanso foron superiores cun 22 a 24 no luminoso. Pero os pequenos detalles fixeron que a vitoria quedara na comunidade veciña por un 86 a 79.
Cristina Loureiro non se rendiu. Desde o tiro de 6,75 metros e as canastas de dous fixo un total de 28 puntos. Por pouco non foi a MVP. Tamén quedou en Asturias. Jone Azkue fixo un total de 32.
Pola súa contra as de Vilagarcía de Arousa desprazaranse de novo. O Pavillón de Europa acollerá ao A.D. Cortegada para enfrontarse ao Laboratorios Ynsadiet Leganés o sábado (14 de marzo, ás 19.00 horas).
FICHA TÉCNICA
ADBA: Marcia Guimares, María Iglesias, Jose Azkue, Deangelique Waithe, Laura Chahrour —quinteto inicial—, Mercy Wanyama, Carlota Velasco, Sara Brandy, Sara Fraile e Ana Fernández.
A.D. CORTEGADA: Andrea Rios, Patricia Vicente, Cristina Loureiro, Miriam García, Branka Lukovic —quinteto inicial—, Nuria Chorén, Lorena Castro e Zeltia Presas.
PARCIAIS: 23-16/ 21-21/ 22-24/ 20-18 (86-79)
ÁRBITROS: Alejandro Velasco Sánchez e Jorge González Escobar.
INCIDENCIAS: Partido correspondente a xornada 21 da Liga Feminina 2 de baloncesto no que enfrontou ao ADBA e o A.D. Cortegada no Complejo Deportivo Avilés.
