Xornada con pleno derrotas para os equipos galegos na Liga Femenina 2 (LF2), na que o Maristas Coruña baixa ata a 5ª posición da táboa despois de perder (69-63) contra o Abril Abda Sanfer. Tamén o Mariscos Antón Cortegada cede postos tras a súa derrota (53-56) contra o Horbisa Spirit Greenkw Barakal. O C.B. Arxil continúa pechando a clasificación.
Maristas Coruña perde o liderato na LF2
O Maristas Coruña, ata o momento invicto, atopou a súa primeira derrota en liga no encontro no que se mediu ao Abril Abda Sanfer, que rematou cun axustado 69-63. Un resultado que lle saíu moi caro ás coruñesas, xa que supoñía perder o primeiro posto da competición.
Ver esta publicación en Instagram
Pese ao tropezo, as galegas do Maristas Coruña continúan estando entre as favoritas para facerse co título ligueiro, e o obxectivo agora é retomar a boa dinámica e volver a colocarse á cabeza do campionato.
O próximo partido será contra outro cadro galego, o Mariscos Antón Cortegada, o vindeiro día 9 de novembro ás 16:30 horas na Coruña.
FICHA TÉCNICA
PARCIAIS: 18-11, 12–20, 22-15 e 17-17
EQUIPO ARBITRAL: Álvaro Cubero Rodríguez e Iván Valbuena López
INCIDENCIAS: Partido correspondente á quinta xornada da LF2, disputado no Complejo Deportivo Avilés (Asturias).
Ver esta publicación en Instagram
Xornada complicada para o Mariscos Antón Cortegada
O Mariscos Antón Cortegada pon fin á súa racha gañadora e descende ao 5º posto da táboa tras a súa axustada derrota contra o Horbisa Spirit Greenkw Barakal (53-56). O cadro galego, dirixido por Manuel Santos Nores, coñeceu o sabor da derrota por primeira vez no que vai de competición.
Ver esta publicación en Instagram
Nesta ocasión, o opoñente era o Horbisa Spirit Greenkw Barakal, un rival que non parecía disposto a poñerlle as cousas fáciles, e que soubo reaccionar con decisión a dous primeiros cuartos que remataban con vantaxe para o Mariscos Antón Cortegada .
Logo desta xornada, as galegas caen ao quinto posto, e continúan por detrás do Maristas Coruña, que tamén cedeu posicións.
No próximo encontro mediranse precisamente ao Maristas Coruña, o vindeiro día 9 de novembro ás 16:30 horas en A Coruña.
Ver esta publicación en Instagram
FICHA TÉCNICA
PARCIAIS: 20-14, 9-6, 10-19 e 14-17
EQUIPO ARBITRAL: Iris Díaz Feijóo e Mateo Alvariño Vázquez
INCIDENCIAS: Partido correspondente á quinta xornada da LF2, disputado no Pabellón Municipal Sara Gómez (Vilagarcía de Arousa)
Futuro pouco alentador para o C.B. Arxil
O C.B. Arxil afronta un momento moi complicado. O cadro pontevedrés volveu sufrir un amargo tropezo (44-56), o quinto no que vai de curso,esta vez no partido que as enfrontaba ao Talenom Boet Mataró. Un novo revés que as mantén no último posto da clasificación. As galegas suman cinco derrotas en cinco partidos disputados, e non se perciben sinais dun cambio de dinámica que as empurre a salvar a categoría.
O horizonte tórnase cada vez máis escuro para un C.B. Arxil que debe reaccionar xa se quere darlle un xiro á situación. No próximo encontro mediranse ao Manresa CBF A, o vindeiro sábado 9 de novembro ás 12:30 horas no Pavelló Nou Congost (Manresa)
FICHA TÉCNICA
PARCIAIS: 11-16, 14-17, 7-13 e 12-10
EQUIPO ARBITRAL: Iván Escariz Torres e Nikita Ergin
INCIDENCIAS: Partido correspondente á quinta xornada da LF2, disputado no pavillón do C.G.T.D (Pontevedra)
RESULTADOS DA XORNADA DA LIGA FEMENINA 2 GRUPO B
- ROBLES LLEIDA – MANRESA CBF A 62-75
- C.B. ARXIL – TALENOM BOET MATARÓ 44-56
- MARISCOS ANTÓN CORTEGADA – HORBISA SPIRIT GREENKW BARAKAL 53-56
- ROMAKURUMA U.E. MATARÓ – TGN BASQUET A 72-54
- IBAIZABAL – SMARTLOG OINTXE 79-52
- ABRIL ABDA SANFER – MARISTAS CORUÑA 69-63
- SIROKO GIJÓN BASKETBALL – MIPELLETYMMAS B.F. LEON 72-82
● Consulta a táboa clasificatoria da LF2 – Federación Española de Baloncesto
