A loita polo título na Liga Iberdrola de Rugby feminino será cousa dos catro primeiros clasificados. Por iso cada vez está máis complicado colarse nese Top4 da máxima competición española no oval.
Sábeno ben as coruñesas do CRAT Residencia Rialta e as súas rivais desta xornada, o CR Majadahonda . O seu cruce está considerado o partido da xornada e sen dúbida, nel verase rugby de altura.
A cita será o domingo 26 de xaneiro ás 11:30 horas no campo da Universidad Alfonso X el Sabio. Dirixirá o partido o colexiado Alfonso Mirat. Medirán forzas as plantillas do terceiro clasificado, as Rhinas, e as do cuarto, as coruñesas.
O deste domingo, será un partido cuxo resultado pesará máis que os puntos en xogo dado que os cruces entre rivais directos sempre contan máis co avance da competición. Gañar ou perder pode supor un punto de inflexión para os dous equipos, pero sobre todo, pode determinar cal deles xoga ou non polo título ao final da liga regular.
No partido de ida, o resultado foi de empate a 18. O rival das galegas, o RC Majadahonda, ven de gañar por unha curta vantaxe ao INEF-L’Hospitalet e de perder na xornada previa co Sanse Scrum RC por 3 – 11. Así que precisa un resultado contundente ou, canda menos, unha vitoria contra un rival directo como o CRAT para gañar confianza.
Pola contra, o equipo galego atravesa un bo momento de xogo e se impuxo no partido previo con rotundidade a un rival directo como é o C.R. Complutense Cisneros 41-24.
Nesa puxa por ser dos catro equipos elexidos están o líder, Sanse Scrum SC (36 puntos), o Corteva Cocos Rugby (33 puntos), CR Majadahonda (29 puntos), CRAT Residencia Rialta (27 puntos) e CR Complutense Cisneros (25 puntos). As herculinas doblegaron a estas últimas na xornada previa por un marcador de 41-24 que lles serviu para colocarse na cuarta praza. Agora, o CRAT quere facerse forte nesas posicións que permitirán meterse nas semifinais. Para iso o rival non pode ser millor.
👱♀️⚔️ | DUELO POR UNA PLAZA EN PLAYOFF
Importante duelo directo por mantenerse en zona de playoff.
📅 Domingo 26
⏱ 11:30
🏟 Campo de Rugby @uaxuniversidad (Villanueva de la Cañada)
⚔️ @CRAT1976
📺 https://t.co/RL3Qiyk9ir#RugbyMajadahonda #MadeInMajadahonda #RojoyAzul pic.twitter.com/mrG3hod3J2— CR Majadahonda (@CRMajadahonda) January 23, 2020
Nesta décima xornada da Liga Iberdrola de Rugby dispútanse tamén os seguintes partidos:
- 25/01/20 16:00 h CR Complutense Cisneros – CR Olímpico de Pozuelo
- 25/01/20 16:00 h INEF L´Hospitalet – Sanse Scrum RC
- 26/1/20 12:00 h Corteva Cocos Rugby – Crealia El Salvador
