Maja Stamenkovic (Serbia, 1991) convértese na nova incorporación do Celta Zorka Recalvi para a próxima tempada. Oito anos despois, a á-pivote serbia de 1,88m regresa a Vigo onde xa vestiu de celeste no curso 2011/2012, último no que o club competiu na máxima categoría. Xogadora de gran mobilidade e versatilidade en posicións interiores, a súa experiencia será un aval importante para o plantel céltico.
A traxectoria de Stamenkovic é extensa, xa que xogou en distintas ligas e países. Campus Promete Logroño foi o seu último equipo na tempada 19/20, disputando a Liga Feminina Endesa, categoría á que o equipo navarro ascendeu en abril de 2019 tras derrotar ao Celta Zorka Recalvi na final de Tenerife.
https://twitter.com/MajaVucurovic/status/1278267269429317633?s=20
