Maite Méndez continuará un ano máis dirixindo ao primeiro equipo do Club Baloncesto Arxil. O club pontevedrés anunciou onte a renovación da adestradora local, que estivo presente en todas e cada unha das tempadas da segunda categoría nacional desde a súa creación na campaña 2001-2002 “e aínda ten corda para longo”, segundo sinalan desde o club verde.
A continuidade no corpo técnico arxilista, vén ligada á do seu preparador físico Magín Méndez, David Rocha como fisioterapeuta, Carlos Díaz como delegado e José Paz como médico.
A adestradora Maite Méndez, atenta á fichaxes para o 2020-21
Maite Méndez atópase xa inmersa na planificación do persoal coa que o C.B. Arxil competirá a próxima tempada, empezando polas baixas de algunhass das xogadoras como Linnea, Johanna e Adriana, e agora está centrada nas renovacións de boa parte das deportistas.
Desde o Club Baloncesto Arxil apuntan que tamén están a traballar en acadar a fichaxe de dúas ou tres xogadoras máis coa fin de reforzar o equipo galego nesta dura tempada que teñen por diante no curso 2020-2021.
Por outra banda, o club está volcado na tramitación do aval para inscribir ao equipo na Liga Feminina e a opción de saír en Primeira Feminina para dar visibilidade á canteira arxilista.