Maite Méndez Fernández, adestradora do CB Arxil, cumpre a súa tempada 24 de xeito consecutivo na LF2, segundo destacan desde o club verde.
O CB Arxil fixo público que Maite Méndez Fernández continuará unha tempada máis, e xa serían 24, á fronte do banco do club verde.
Maite Méndez leva “máis 29 tempadas ligada ao baloncesto estatal nalgunha das súas divisións e 24 tempadas consecutivas na LF2“, lembran desde o CB Arxil.
O corpo técnico do CB Arxil queda da seguinte maneira:
- Adestradora: Maite Méndez.
- Adestradoras axudantes: Marita Janeiro, Milagros Sanmartin e Ana Martín.
- Preparador Físico: Magín Méndez.
- Médico: José Paz.
- Fisioterapeuta: David Rocha.
- Delegado: Carlos Díaz.
Este vai ser o equipo técnico que vai guiar ao LF2
outra temporada máis!
Estamos moi contentas de poder anunciarvos isto!💪🏼💚 pic.twitter.com/nKUjktWrGN— CB Arxil (@ArxilCb) August 31, 2023
En relación ao bloque de xogadoras a lista de deportistas que defenderán a elástica do CB Arxil este curso serían:
- Cristina
- Meniña
- Andrea
- Mirian
- Nerea
- Fooster
- Aldara
- Margarita
- Carolina
- Marta
Haberá, como é lóxico, xogadoras vinculadas do Arxil Mafari Café, filial do club verde, que irán dando pasos adiante xunto con, se cadra, algunha xogadora en idade junior.
Maite Méndez: “Queremos darlle alegrías á afección”
“Queremos facer un equipo bonito, que nos permita darlle alegrías á nosa afección, competir nesta liga tan complicada. Queremos seguir dándolle estabilidade ao club desde ter un equipo referente arriba e seguir mantendo esa identidade que temos e que nos forxamos”, comentou Maite Méndez tras a súa renovación.
A tempada pasada saldouse co CB Arxil como un dos mellores equipos da Liga Feminina 2, a división de bronce do baloncesto feminino español. Despois de callar unha moi boa liga regular, acabando en quinta posición tras gañar aos dous equipos que ascenderon Almería e Unicaja e perder a oportunidade de ir á fase de ascenso no penúltimo partido en Maristas Coruña.
