- O CV Emevé entregou 11 insignias de prata a distintos xogadores e técnicos polo seu labor destacado durante este tempo.
- Durante a celebración púxose en valor a figura dos socios fundadores: Dori de la Fuente, Marisa Ameijide, Ana Bouza, Quico Bouza, Coté Bouza e Bibí Bouza, actual presidenta.
- A alcaldesa de Lugo, Lara Méndez; o delegado da Xunta de Galicia en Lugo, Javier Arias; e a vicepresidenta da Deputación de Lugo, Maite Ferreiro; acompañaron á familia do Emevé Lugo nesta celebración.
Corenta anos resumidos nunha imaxe: máis de 500 nenos e nenas ocupando a escaleira do Pazo de Feiras e Congresos de Lugo. O CV Arenal Emevé naceu con espírito de formación e a canteira foi a principal protagonista da celebración dos seus catro primeiras décadas de vida nun acto que contou con máis dun milleiro de asistentes.
A captación e formación de talento foi o corazón que bombea o sangue dunha entidade que é a única con dous equipos na máxima categoría do voleibol español.
O CV Arenal Emevé ten a igualdade entre un dos seus principais valores, tal e como recoñecía a súa presidenta, Bibí Bouza, durante a súa intervención: “Fomos unhas adiantadas ao noso tempo: tiñamos unha presidenta, Dori de la Fuente, e a directiva conformabámola cinco mulleres e un home, pero eran as mulleres as que mandaban. Chegamos a un momento no que o papel da muller neste club está máis que demostrado. Os nosos Loitadores e Loitadoras demostran a diario que non paramos de traballar pola igualdade”.
Bibí Bouza, presidenta do CV Emevé: “Fomos unhas adiantadas ao noso tempo: tiñamos unha presidenta, Dori de la Fuente, e a directiva conformabámola cinco mulleres e un home, pero eran as mulleres as que mandaban”.
A máxima dirixente tamén quixo agradecer á sociedade lucense, en concreto aos pais e nais dos integrantes da canteira, o seu papel para que a entidade chegase a celebrar este aniversario: “Lugo fai que o CV Arenal Emevé teña que dicir algo no deporte galego e o deporte nacional. Somos unha referencia no vóley nacional e se iso posible é grazas a vós, ao voso apoio e aos vosos fillos e fillas”.
Bibí Bouza, presidenta do CV Emevé: “Chegamos a un momento no que o papel da muller neste club está máis que demostrado. Os nosos Loitadores e Loitadoras demostran a diario que non paramos de traballar pola igualdade”
O delegado da Xunta de Galicia en Lugo, Javier Arias; a vicepresidenta da Deputación de Lugo, Maite Ferreiro; e a alcaldesa de Lugo; Lara Méndez, tamén participaron na quenda de intervencións dun acto no que o club distinguiu coa insignia de prata ás seguintes persoas polo seu labor destacado no desenvolvemento do club ao longo da súa historia:
- Aos internacionais absolutos nas últimas tempadas Carolina Camino, Candela López, Lucía Prol, Majo Corral e Mario Dovale.
- A José Valle e Fátima Valle por levar máis de 25 anos de forma ininterrompida no club.
- A Rafael Marzán, CEO de Arenal, e Elena Rois, directora de márketing de Arenal, polo apoio ao impulso de club e as súas actividades de márketing.
- A David Varela, reitor do seminario de Lugo por colaboración deportiva, grazas á cesión das súas instalacións.
- A Cristina Leiro, concedéuselle a distinción “Somos Emevé” polo seu labor desinteresado de apoio á institución durante máis de tres décadas.
Durante a celebración tamén se puxo en valor a figura dos socios fundadores do CV Arenal Emevé: Dori de la Fuente, Marisa Ameijide, Ana Bouza, Quico Bouza, Coté Bouza e Bibí Bouza.
