O XL Gran Fondo Caixabank pechou as inscricións con máis de 1.000 persoas inscritas. De eses, 572 participantes son do medio maratón e 334 dos 10km. Hai que engadir que hai un total de 165 participantes que so se inscribiron no Campionato Galego de Medio Maratón e non na proba popular. En total, o número de participantes sería de 1.071. A carreira de cativos aínda ten o prazo de inscrición aberto, pero por agora hai máis de 140 nenos e nenas apuntados.
Entre os atletas máis destacados na longa distancia desde a SG Pontevedra, organizadora da cita deportiva xunto co Concello de Pontevedra, salientan nomes como os de:
- Reyes Estévez: finalista nos Xogos Olímpicos de Atenas 2004 e varias medallas internacionais e nacionais. Foi terceiro en dous mundiais de aire libre, en Atenas 1997 e Sevilla 1999. A nivel continental é campión europeo en Budapest 1998 e subcampión en dúas ocasións. En aire libre en Munich 2002 e baixo teito en Lisboa 2001. En pista cuberta, tamén quedou terceiro no Europeo de Madrid en 2005 por partida dobre, nos 1500ml e nos 3000ml.
- Manuel Hurtado: gañou o ano pasado e é o atleta con máis vitorias no medio maratón de Pontevedra. Conta con catro en total. Tamén foi dúas veces campión galego na distancia e quere ir en busca da terceira.
- Carlos Porto: gañador nos 10km do ano pasado. Vixente campión galego de 800ml ao aire libre. Titular no equipo da Sociedad Gimnástica de Pontevedra nas ligas de atletismo tanto nas probas de mediofondo como de fondo. Debuta na distancia do medio maratón.
- Manuel Lorenzo: cuarto o ano pasado e titular coa Sociedad Gimnástica de Pontevedra en probas de fondo.
- Anxo Castro: gañador na edición de 2019.
- Soledad Castro Soliño: categoría máster. Atleta internacional. Foi 10 veces campioa galega de medio maratón. Récord galego na distancia en categorías máster M40, M45, M50
- Andrea Iglesias: terceira o ano pasado nos 10km. É triatleta internacional.
- Ángela Rodríguez: subcampioa o ano pasado no medio maratón.
Nos 10km sobresae, sobre todo, Cora Saburido, que quedou segunda o ano pasado nesta distancia.
No Campionato Galego de Medio Maratón por equipos, a Sociedad Gimnástica de Pontevedra, entidade organizadora, opta ao primeiro posto na categoría masculina coas participacións de Manuel Hurtado, Carlos Porto e Manu Lorenzo.
Xa se poden recoller os dorsais para o XL Gran Fondo Caixabank – XXVII Media Maratón
Unha vez finalizado o prazo de inscricións, os atletas poderán retirar os seus dorsais. Será obrigatorio portar o dorsal no peito e ten que estar visible. Non se poderá dobrar nin ocultar. As datas para recoller estas identificacións son do 13 ao 15 de outubro na tenda Miler Vintage Running Club, rúa Peregrina, 6 (soto), en Pontevedra. Poderase recoller durante o horario de apertura do comercio.
◽ Dorsais
📆 Dende o 13/10 15/10
📍 Tenda Miler Vintage Running Club Pontevedra (r/ Peregrina, 6, soto).
⌚ 10:30-13:30 e 17:00-20:00📆 16 de outubro
📍 Pavillón Universitario
⌚ 08:30h-10:30h
✅ So para os que son de FÓRA de #PONTEVEDRA#visitpontevedra #caixabank pic.twitter.com/o93IIv5Yrx— Gran Fondo CaixaBank (@mmpontevedra) October 12, 2022
Este ano tamén recupérase despois dos anos da pandemia a recollida o mesmo día da proba. O 16 de outubro en horario de 08:00h a 10:30h poden coller os seus dorsais so os deportistas que son fóra de Pontevedra. O punto de entrega será o Pavillón Universitario, segundo informan desde a organización.
XXX Campionato Galego de Media Maratón Xunta de Galicia
Conxuntamente co XL Gran Fondo Caixabank XXVII Media Maratón – III 10 K, esta fin de semana o Concello de Pontevedra dará acollida a trixésima edición do Campionato Xunta de Galicia de Media Maratón que se desenvolverá logo da última edición disputada en Ortigueira fai dous anos.
No campionato tomarán parte preto de douscentos atletas que sumados áos máis dun milleiro dos populares que sairán da Ponte dos Tirantes, brindará un fermoso espectáculo para quenes desexen acudir a saída prevista para ás 11.00 horas
Entre as destacadas do Campionato autonómico estarán a subcampioa galega na última edición Beatriz Fernández Gil, que xunto á máster internacional do Comesaña Soledad Castro, serán as máis salientadas nesta categoría.
No tocante aos homes figuran inscritos o atleta Sub23 Iago Pereira quen se proclamaba campión galego Sub20 na última edición e o vixente campión galego M60 Manuel Suárez Martínez que defenderá o seu título diante do subcampión da mesma categoría José Jardón. A maiores contarase ca participación dos medallistas da última edición nas súas categorías José Canda na M35, Javier Paredes na M40 e José Carlos Ferreira na M45.
🧐 Recoñecemento do percorrido ➡️ unha volta ao circuito
📅 Venres 14 de outubro
⌚ 20:30h
📍 CGTD de #Pontevedra✨ Con Reyes Estévez dende as 20:00h
🙌🏽 Contamos con todos vós
⚠️ Traede roupa rechamante📸: @terefreiria#MMPO2022 #visitpontevedra #mediomaraton #caixabank pic.twitter.com/sucPFghVjy
— Gran Fondo CaixaBank (@mmpontevedra) October 12, 2022
