A cidade francesa de Niza acollerá do 15 ao 17 de xaneiro o Torneo Internacional Henri Deglane, no que participarán as galegas Lydia Pérez e Nerea Pampín.
Pérez, do Club de Loita Pontevedra, competirá neste campionato de loita na categoría -62 quilos, mentres que a súa compañeira galega, Pampín, procedente do Club de Loita Keltoi de Vila de Cruces o fará en -68 quilos.
O Torneo Internacional Henri Deglane será o primeiro campionato do ano, no que as loitadoras poderán medir o seu estado de forma a nivel internacional e que servirá de ante sala aos Xogos Olímpicos de Toquio 2021.
Ao rematar a competición, Lydia Pérez permanecerá na localidade francesa concentrada nun evento internacional, que durará ata o 24 dexaneiro, coas máximas medidas de seguridade sanitaria.
O equipo galego da Fegaloita complétase con Damián Iglesias, do Club de Loita Touro, competindo en -86 kg e con José Cuba, do Club de Loitas Olímpicas de Vilalba, disputando a categoría -125 kg.
