Tres deportistas galegos acuden aos Xogos do Mediterráneo. Trátase de Lydia Pérez (-62kg) do Club de Loita Pontevedra e Nerea Pampín (-68kg) do Club Keltoi de Vila de Cruces, na categoría feminina, e Damián Iglesias Vilela (-86kg) tamén do Club Keltoi Vila de Cruces, en masculina. A competición terá lugar do 26 ao 29 de xuño na localidade arxelina de Orán.
Lydia Pérez ven de ser bronce en Loita Praia
Este trío de deportistas falegos parten con moi boas opcións nesta competición tras os seus últimos éxitos. Lydia Pérez Touriño ven de acadar unha medalla de bronce no 2º Ranking Series de Loita Praia disputados a pasada fin de semana na praia de Silgar, en Sanxenxo (Pontevedra). E fíxoo sen ser unha especialista nesta disciplina de loita.
Pola súa parte, Nerea Pampín e Damián Iglesias, veñen de completar unha excelente concentración internacional no Centro de Alto Rendemento de Madrid, segundo informa a Federación Galega de Loita (FEGALOITA).
Os integrantes das 3 seleccións españolas que viaxan son os seguintes:
Loita Libre feminina
- Aintzane Gorria 50kg Navarra
- Marina Rueda 53kg Andalucía
- Graciela Sánchez 57kg Baleares
- Lydia Pérez 62 kg Galicia
- Nerea Pampín 68kg Galicia
- Carla Lera 76kg Murcia
Adestradora: Aurora Fajardo.
Loita Libre masculina
- Levan Metreveli 57kg Baleares
- Juan P. González 65 kg Canarias
- Damián Iglesias 86kg Galicia
- Alejandro Cañada 97kg Andalucía
Adestrador: Laureano Atanes
Loita grecorromana
- Daniel Bobillo 60kg Baleares
- Marcos Sánchez-Silva 77kg Madrid
Adestrador Vicente Lillo
