As deportistas galegas Lydia Pérez Touriño (Club de Loita Pontevedra) e Nerea Pampín (Club de Loita Keltoi de Vila de Cruces) veñen de ser convocadas coa Selección Española absoluta de loita para participar na concentración internacional feminina do 2 ó 12 de narzo no INSEP de París, segundo informa a Federación Galega de Loita (FEGALOITA).
Ambas as dúas loitadoras galegas viaxan convocadas coa selección estatal absoluta feminina, para participar na concentración internacional mais numerosa antes do campionato de Europa de Loita.
Para esta concentración viaxan un total de 3 deportistas da Selección absoluta, as dúas galegas citadas, Lydia Pérez e Nerea Pampín, maila balear Graciela Sánchez. As deportistas estarán acompañadas da seleccionadora Aurora Fajardo (MAD), para dirixir esta concentración.
Lydia Pérez e Nerea Pampín son dúas deportistas están becadas no CGTD de Pontevedra e adestran as órdes de Rubén Méndez e Marcos Miragaya, que continuan confeccionando parte da preparación internacional de ambas deportistas, para afinar a súa preparación de cara aos Mundiais do 2023. Esa cita internacional é a primeira proba clasificatoria para os XX.OO. de París 2024.
