A deportista galega Lydia Pérez, está a participar na Copa do Mundo de Loitas Olímpicas, segundo informa a Federación Galega (FEGALOITA).
A deportista do Club de Loita Pontevedra e becada no Centro Galego de Tecnificación Deportiva (CGTD) de Pontevedra, participa até o 18 de decembro na Copa do Mundo de Loitas Olímpicas que acolle a cidade serbia de Belgrado.
Lydia Pérez, que é pontevedresa, participará na categoría de -62kg, formando equipo con Victoria Baez -59kg (MAD) e Marina Rueda -53kg (AND). Todas elas, entrarán en competición este vindeiro luns 14 de decembro.
A mala sorte acompañou a Lydia Pérez este final de tempada, onde non puido participar nos Campionatos de España sénior e U-23. Pese a que era a favorita, a deportista galega non puido acudir á cita xa que tivo que gardar illamento por mor da COVID-19.
Nesta Copa do Mundo de Loitas Olímpicas, Lydia Pérez ten unha boa oportunidade de medirse as mellores deportistas a nivel mundial. Esta será unha toma de contacto, antes do próximo obxectivo: o torneo Matteo Pellicone que está previsto que teña lugar a mediados de xaneiro do 2021 e previo os preolímpicos.
