As deportistas galegas Lydia Pérez Touriño, do Club de Loita Pontevedra e Nerea Pampín Blanco, do Club Keltoi de Vila de Cruces, participarán coa Selección Española absoluta de loita no Torneo Internacional Henri Deglane ó 26 e 27 de novembro, que terá lugar en Niza (Francia).
As deportistas galegas Lydia Perez e Nerea Pampín, becadas no Centro Galego de Tecnificacion Deportiva de Pontevedra (CGTD), levan unha semana intensa en terras Francesas. Durante este tempo participaron na competición por seleccións, celebrada o sábado 19 en París, onde España rematou en 6ª posición. Lydia Perez e Nerea Pampín estiveron concentradas no INSEP de París, nunha concentración internacional que se estendeu desde o domingo 20 ata onte, venres 25 de novembro de 2022.
Ademais Lydia Perez e Nerea Pampín van competir no prestixioso Torneo Internacional Hery Deglane (Niza, Francia). Esta cita deportiva terá lugar hoxe, sábado 26, e mañá, domingo 27 de novembro.
Estas actividades forman parte do denso programa de traballo, de cara o vindeiro ano 2023, onde o mundial absoluto será clasificatorio para os Xogos Olímpicos de París 2024, segundo informa a Federación Galega de Loita (FEGALOITA)
