- No Torneo Internacional Henri Deglane estarán dúas loitadoras galegas: Lydia Pérez e Nerea Pampín.
Esta destacada cita deportiva no mundo das loitas olímpicas ten lugar en na cidade francesa de Niza hoxe e mañá (20 e 21 de xaneiro). Alí estarán as deportistas galegas Lydia Pérez Touriño (Club de Loita Pontevedra) e Nerea Pampín Blanco (Club de Loita Keltoi Cruces). As dúas viaxan ao o Torneo Internacional Henri Deglane dentro da expedición da Selección Española absoluta de loita (Federación Española de Lucha).
Neste Torneo Internacional Henri Deglane, Lydia Pérez compite na categoría de 62 kg, e Nerea Pampín Blanco faino na de 65 kg.
Ver esta publicación en Instagram
Chanzos das galegas no Torneo Henri Deglane
Na primeira rolda Nerea Pampín deberá enfrontarse á xermana Chiara Julie Hirt. Na rolda 2 terá enfronte á polaca Zuzanna Wolczynska, e na terceira enfrontaranse entre sí no Torneo Internacional Henri Deglane a loitadora polaca e a xermana. A primeira e segunda clasificada de cada grupo (A e B) pasan ás semifinais e de aí, á final de 65 kg.
No caso de Lydia Pérez Touriño a competición empeza para a loitadora galega en oitavos de final e, a xeito de eliminatoria poderá ir avanzando a cuartos, semifinais e final se supera ás súas rivais. O primeiro chanzó é impoñerse á xermana Luna Rothenberger. De ganar, os cruces previstos farán que se enfronte á vencedora do cruce entre a brasileira Lais Nunes de Oliveira e a xermana Luisa Helga Gerda Neiemesch.
As dúas son deportistas galegas que adestran no CGTD (Centro Galego de Tecnificación Deportiva) de Pontevedra e pertencen á Federación Galega de Loita (FEGALOITA).
Tanto Lydia Pérez (62 kg) como Nerea Pampín Blanco (65 kg) aspiran a ter unha actuación no Mundial de Belgrado, que será en setembro, que lles aporten méritos para estar nos Xogos Olímpicos de París 2024. O prestixioso Torneo Internacional Henri Deglane é unha boa pedra de toque.
