A deportista pontevedresa, Lydia Pérez do Club de Loita Pontevedra, e becada no grupo de rendemento do Centro Galego de Tecnificación Deportiva (CGTD), participará desde hoxe, 8 de marzo, ao o 16 de marzo, na concentración internacional que terá lugar en Budapest (Hungría). Neste adestramento pretende ser unha preparación ao Torneo Europeo de Clasificación Olímpica (European OG Qualifier da United World Wrestling).
Nesta concentración internacional só participarán dous deportistas españois, a galega Lydia Pérez e o canario Juan Pablo González, xunto co seleccionador nacional Laureano Atanes.
O Torneo Europeo de Clasificación para os Xogos Olímpicos de Tokyo, terá lugar do 18 ó 21 de marzo, tamén na localidade húngara de Budapest.
Tan só obterán a clasificación para os Xogos Olímpicos de Tokyo, as/os deportistas que sexa quen de chegar a final de cada categoría de peso, é dicir, as persoas que sexan medallistas de ouro e prata.
Segundo informa a Federación Galega de Loita, neste torneo preolímpico, tamén estará o deportista galego, José Cuba Vázquez, do Club de Loitas Olímpicas de Vilalba, que continua a súa preparación no seu club de toda a vida xunto co sparring ucraíno Sergy Priadum.
Lydia Pérez será a única loitadora galega nesa cita clasificatoria.
