A deportista da cidade de Pontevedra, Lydia Pérez Touriño, participará no Torneo Internacional Ziolkowski Pitiasinski en Polonia, convocada coa Federación Española, segundo informa a Federación Galega de Loita.
Lydia Pérez, viaxará este xoves, 5 de novembro a cidade de Varsovia, coa selección nacional absoluta de Loita Feminina. A súa competición será o venres 6, e tras a mesma, permanecerán concentradas na cidade Polaca, ata o vindeiro 15 de novembro.
As medidas de seguridade para celebrar este Open, son excepcionais, segundo informa desde FEGALOITA, obrigando a presentar a todos os deportistas unha PCR negativa antes de viaxar a Varsovia, e a realización de test unha vez cheguen o pavillón da competición.
A Federación Internacional de Loita (UWW), está tratando de blindar todas as actividades que mantén no calendario internacional.
Esta é a primeira competición oficial da loitadora Lydia Pérez, dende o 14 de marzo de 2020.
