A competición da loitadora galega Lydia Pérez nos Xogos do Mediterráneo foi impecable. A deportista vencía na fase de grupos de loita praia á que, ao cabo sería a subcampioa desta competición, a francesa, Manon Kury. Na cita está tamén a xuíza galega Nerea Vila.
No segundo combate da rolda de grupos, venceu de forma axustada a Agoro Papavasileou (GRE) por un axustado 1-0.
No terceiro combate da rolda de grupos nestes Xogos do Mediterráneo Lydia Pérez de venceu con solvencia a Bianca Contrafatto (ITA) por 3-0.
Xa na semifinal da modalidade de loita praia, a galega Lydia Pérez, venceu á deportista Lygeri-Athanasia VOULGARI (GRE), por un axustado 1-0, deixando atrás toda a presión e co claro obxectivo de impoñerse nunha final axustada.
Na final, Lydia Pérez impúxose por un contundente 5-0 á deportista gala Manon Kury (FRA), coa que se enfrontou na fase de grupos.
Lydia Pérez, coa mirada en París 2024
Tras este histórico resultado, agora a deportista pontevedresa ten que volver a calzarse as botas de loita e preparar o Mundial de Belgrado que comeza nunha semana e é clasificatorio para os Xogos Olímpicos de París 2024.
A deportista madrileña, María Victoria Baez, colgouse pola súa parte a medalla de bronce na categoría de -60kg. Menos sorte tivo a canaria, María José Ramírez, quen perdeu a medalla de bronce no último momento contra a representante de Francia.
A colexiada Nerea Vila, outra galega nos Xogos do Mediterráneo
“Cabe subliñar tamén a presenza e o traballo da árbitra galega, Nerea Vila, que participou como única colexiada española nesta cita deportiva internacional. Demostrando o valor do traballo do Colexio Galego de Árbitros e a relevancia internacional do mesmo. Nerea Vila, soubo adaptarse ben á arbitraxe de Loita Praia, grazas á bagaxe deportiva que ten, xa que foi a primeira deportista Galega en participar nun Campionato de Europa Cadete”, apuntan desde a Federación Galega de Loita (FEGALOITA).
