Bos resultados a representación galega de Loitas Olímpicas nos Campionatos de España Universitarios nos acadou un ouro, o de Lydia Pérez, unha prata, a de Saúl Belo, e un bronce, o de Iván González, ademais a Universidade de Vigo foi cuarta na clasificación xeral desta competición.
@Lydialucha @uvigo @mUVersUvigo #campeona Universitaria de España #ceu #luchasolimpicas organizado @UCAM @luchamurcia @FedEspLucha con @cgtd_pontevedra @deporte_galego @asnosasdeportes @loitapontevedra pic.twitter.com/NADVPmufMV
— Fed Gallega Lucha (@FedGallegaLucha) May 7, 2022
A cita nacional estivo organizada pola UCAM, no CTD Infanta Cristinma de Los Alcázares. A Universidade de Vigo ocupou o cuarto lugar na xeral, cun total de 60 puntos, grazas aos resultados dos seus deportistas:
- Lydia Pérez Touriño proclamouse campioa de España en 64kg.
- Saul Belo Álvarez proclamouse subcampión de España en 80kg.
- Iván González Muñiz colgouse en bronce en 90 kg.
- Bekbol Onggarov finalizou en 7º posto en 80 kg.
A Universidade de Santiago de Compostela, alcanzou o lugar 13º na clasificación final, grazas aos puntos obtidos polos seus deportistas, entre dos que tamén había unha muller:
- Ana López Álvarez finalizou en 7º posto en 55 kg.
- Ión Turcan finalizou en 11º posto en 80 kg.
Na representación galega desta competición había outra muller galega, neste caso no colectivo de xuíces. Así o colexio Galego de árbitros estivo representado por Verónica Pérez Comesaña, que callou unha gran competición.
Segundo informa a Federación Galega de Loita (FEGALOITA), os técnicos Rubén Méndez e Pablo Pintos, mostraron a súa satisfacción pola dificultade de conseguir estas medallas, en categorías de peso, onde estaban varios campións de España de diferentes categorías de peso.
As e os deportistas galegas/os, terán novos retos a próxima fin de semana, en concreto os campionatos de España absolutos de Loitas Olímpicas, así como os campionatos de España de Loita Praia e Sambo Praia.
