A loitadora galega Lydia Pérez vén de participar na Copa do Mundo de Loitas Olímpicas que se está a celebrar en Belgrado (Serbia). A deportista acusou o parón de adestramentos sobre tapiz por mor das restriccións ao fío da pandemia de COVID-19 e caía na rolda de calificación.
Lydia Pérez comezou a súa participación na Copa do Mundo de Loitas Olímpicas na categoría de -62 quilogramos, segundo informa a Federación Galega de Loita (FEGALOITA). O fixo contra Tetiana Omelchenko (AZE), caendo na rolda de calificación por 0 – 8. Na rolda seguinte, Omelchenko , caería contra a representante Rusa, Liubov Ovcharova (RUS). De este xeito, Lydia quedaba apeada da repesca polo bronce.
A inactividade competitiva durante os últimos nove meses, afectou ao seu concurso segundo explicaba a propia Lydia Pérez: “teño moita falta de horas de tapiz. Teño a mellor condición física dos últimos cinco anos, estou asentada no peso de -62 kg, atópome moi forte, pero o parón pola COVID-19 e a coarentena de 20 días que tiven que manter, non axudaron na miña preparación sobre o tapiz”.
Lydia Pérez, adestra no Centro Galego de Tecnificación Deportiva (CGTD) de Pontevedra as ordes de Marcos Miragaya, quen xa ten o próximo obxectivo fixado no torneo internacional Matteo Pellicone ( Italia), como preparatorio para os torneos clasificatorios para Tokio 2021.