A galega Lydia Pérez Touriño conseguiu a medalla de bronce no torneo internacional Gran Premio de España de Loitas Olímpicas que tivo lugar esta fin de semana no pavillón La Fundí (Madrid), e contou coa presenza de 25 países e case 300 inscritos. Súa foi a única medalla da Selección Española Feminina de Loita nesta cita.
Na modalidade de loita feminina, a deportista galega Lydia Pérez Touriño acadou a única medalla do equipo español ao facerse co bronce en -62 kg. A loitadora venceu á contrincante francesa A. Douarre en oitavos. Logo caería en semifinais coa canadiense Godinez e venceu na repesca á americana Liles na loita pola medalla de bronce.
Ademais de Lydia Perea, a tamén galega Nerea Pampín foi tamén parte da Selección Española. Comenzou con moi bo pé na fase de grupos desta competición ao vencer á canadiense Nickel aos puntos. Logo caería pola mínima contra da Americana Odgen e, finalmente, non puido superar á búlgara Hristova. Con estos resultados, Nerea Pampín, non puido acceder á fase de grupos para loitar polos metais. Pampín clasificouse en quinta posición na categoría de -65 kg.
Pola súa parte o loitador galego Saúl Bello, non puido superar en primeira rolda na categoría de -74 kg ao xermano Schroder. Tras esta derrota, e coa mala sorte de que o deportista alemán non chegou á final, Saul Bello quedou eliminado da competición, segundo informa a Federación Galega de Loita (FEGALOITA).
Desde FEGALoita salientan o traballo dos colexiados Marcos Araujo e Verónica Pérez, durante este Gran Premio de España de Loitas Olímpicas. Galicia foi unha das comunidades con maior número de árbitros participando en activo en todos os campionatos ao longo deste ano 2022.
Os técnicos, Rubén Méndez, Marcos Miragaya e Pablo Pintos, continuarán ata o venres 15 traballando nos adestramentos na concentración internacional do Gran Premio de España no Centro de Alto Rendemento de Madrid, cos deportistas gallegos que forman parte da Selección Española e o resto de equipos internacionais.
