Non houbo sorte no primeiro intento. Nin Lydia Perez Touriño, nin Jose Cuba Vázquez, acadaron a súa clasificación para os Xogos Olímpicos de Toquio 2021. A loitadora e o loitador galegos acudiron a competir ao Torneo de Clasificación para os XX.OO. celebrado en Budapest (Hungría), pero non conseguiron traerse de volta á España o billete para os xogos. A seguinte oportunidade, a terán en Bulgaria en maio.
A deportista Lydia Pérez Touriño, do Club de Loita Pontevedra, rematou no 9º posto da categoría de -62 kg. Mentres que o deportista Jose Cuba Vázquez do Club de Loita Vilalba, rematou no 7º posto da categoría de -125 kg. Para poder obter a clasificación había que chegar á final. Ambos finalistas (ouro e prata), obtiñan o pasaporte para os Xogos Olímpicos de Toquio 2021.
Lydia Pérez caeu en cuartos de final
No caso de Lydia Pérez, a loitadora galega do CL Pontevedra, perdeu en cuartos de final por 1 -2 fronte a Mariana Cherdivara Esanu (MDA), e quedou afastada da competición.
Jose Cuba, caueu fronte o finalista Gennadij Cudinovic (GER), e na repesca cedeu por un axustado 3 – 6 fronte a París Karepi (ALB).
Tal e como lembra a Federación Galega de Loito (FEGALOITA) agora tanto Lydia Pérez como Jose Cuba teñen que prepararse para a súa última oportunidade para acadar praza nos Xogos Olímpicos de Toqui. Será no clasificatorio mundial que terá lugar na cidade de Sofía, en Bulgaria, do 6 ó 9 de maio.
