A deportista Lydia Pérez Touriño (Club de Loita Pontevedra) e bolseira no CGTD de Pontevedra, competirá na categoría de -62 kg da 3º Clasificación Series Mundial de Loitas Olímpicas, que está tendo lugar en Kyrgyzstan Bishkek e que se prolongará ata o domingo 4 de xuño.
Lydia Pérez está acompañada do técnico Marcos Miragaya Lama. Doutra banda, tamén contaremos coa presenza do Español, Taimurad Friev en -86 kg, en loita libre olímpica.
A Clasificación mundial estrutúrase en catro probas, nas que os deportistas suman puntos segundo a súa clasificación individual en cada un deles. E esta clasificación é a que permite aos deportistas librar a primeira rolda no campionato do Mundo sénior, que é a primeira proba puntuable para os Xogos Olímpicos de París 2024. Lydia Pérez, busca clasificarse entre as oito primeiras deportistas do mundo, para a gran cita mundialista.
Neste terceiro gran Clasificación Series denominado “Kaba Uulu Kozhomkul & Raatbek Sanatbaev” ten unha participación moi elevada a pesar da distancia. “Lydia Pérez terá unha difícil proba, pero se quere optar ao soño Olímpico, ten que empezar a vencer a rivais de moito nivel”, apuntan desde a Federación Galega de Loita (FEGALOITA)
