- Luis López-Tulla Revenga (Madrid, 17/08/1995) seguirá vivindo en Poio ata, polo menos, 2028. O club anuncia que vén de renovar ao adestrador madrileño por dúas tempadas máis e cumprirá, así, seis en total á fronte do banco do conxunto galego do Poio Pescamar.
Luis López-Tulla conseguiu case todas as marcas da entidade conserveira do Poio Pescamar e aínda ten por diante na presente campaña o ilusionante play-off polo título de liga.
Ata a súa chegada no verán do 2022, nunca un adestrador mantívose no banco rojillo máis de dous cursos enlazados en Primeira División. Actualmente, Luis López-Tulla está no cuarto e alcanzará os 150 partidos a cargo do Poio Pescamar. De feito, obtivo o rexistro de adestrador con máis duelos na historia do club no pasado mes de xaneiro, ao superar os 130 de Marcio Santos. Tamén alcanzou os 100 enfrontamentos na máxima categoría do fútbol sala español en outubro de 2025.
Ver esta publicación en Instagram
Con el á fronte conseguir as primeiras clasificacións para loitar polo título de liga, con tres nos catro anos que Luis López-Tulla leva á fronte do banco do Poio Pescamar. Ademais, levantou unha Copa Galicia e logrou as seguintes marcas:
- Mellor arranque de liga (10 xornadas iniciais): 27 puntos de 30 posibles.
- Maior refacho de vitorias consecutivas: 12
- Maior puntuación: 75
- Mellor posto: Segundas
- Máis goles anotados: 95 (seguramente se superarán este mes)
- Menos goles encaixados: 34
- Máis partidos seguidos sen perder en liga: 28
- Máis vitorias nunha volta de liga: 13.
- Máis puntos nunha volta de liga: 40.
- Ningunha derrota nunha volta de liga.
- Menos goles encaixados nunha volta de liga: 17
- Maior goleada: 12 – 0 (e segundo partido no que máis goles anotamos).
- Maior goleada como visitante: 0 – 6
- Menos partidos sen marcar: só 1, na tempada 2022/ 2023.
- Maior refacho de partidos marcando: 30 (contando playoff).
- Máis partidos sen recibir gol nunha campaña: 10
- Maior xeira de partidos sen encaixar gol: 3
Ver esta publicación en Instagram
A bagaxe particular de resultados de Luis López-Tulla é:
- Liga regular: 117 partidos (73 triunfos, 21 empates e 23 derrotas).
- Playoff título de liga: 5 partidos (1 vitoria e 4 derrotas).
- Copa da Raíña: 12 partidos (7 triunfos, 1 empate e 4 derrotas).
- Supercopa de España: 3 partidos (1 empate e 2 derrotas).
- Copa Galicia: 10 partidos (6 vitorias, 1 empate e 3 derrotas).
- Total: 147 partidos (87 vitorias, 24 empates e 36 derrotas)
Segundo declaran desde o Poio Pescamar estes datos “falan por si sós. Con Luis López-Tulla o club estabilizouse entre os mellores de España. Desexamos toda a sorte a Luis e esperamos que pronto poidamos levantar o noso primeiro título nacional para seguir facendo historia xuntos”.
