Durante esta fin de semana, Lugo transformarase no escenario do Campionato de Galicia individual e de probas combinadas sub16 e sub18, acollendo as probas no Estadio Gregorio Pérez Rivera.
Máis de mil atletas competirán nas pistas lucenses, no que será un importante test previo aos campionatos nacionais de Lleida e Huelva que se disputarán neste mes. Entre as participantes, destacan nomes como Ainhoa Reparaz, Antía Pernas ou Xela Martínez.
Velocistas e fondistas
Nas probas de velocidade, a campioa de España Sub18 en pista cuberta Ainhoa Reparaz do Val Miñor. Pola súa banda na categoría Sub16 estará tomando parte nos 100 m. Antía Pernas do Lucus Caixa Rural Galega ca terceira mellor marca nacional do ano con 12.34.
Sobre o fondo estará a plusmarquista e Campioa de España Xela Martínez da Atlética Lucense, que será unha das principais atraccións do campionato sobre a distancia dos 3.000 m.
Obstáculos e saltos
En obstáculos contaremos ca participación da subcampioa absoluta de pista cuberta Sub18 nos 800 m. Sofía Gómez do Riazor Coruña sendo Sara Guedes da Atlética Lucense na Sub16 a principal favorita na mesma especialidade.
En saltos, as medallistas de bronce no nacional de pista cuberta Enma Sihuang da Atlética Lucense en altura Sub18, e Lisa Vosberg do A.V.A., en pértega Sub16, serán en encargadas de dinamizar os seus concursos.
A plusmarquista galega e subcampioa nacional Sub18 de pista cuberta en combinadas Lucía Sánchez del Valle da Atlética Lucense optará nestes campionatos pola lonxitude onde acude cunha MMT de 1,70, proba esta última sobre a que estará concursando a Sub16 Nayr Cortegoso do Val Miñor como favorita.
No foso de triplo Sub18 teremos oportunidade de ver as evolucións da recente finalista no Campionato de España absoluto en triplo salto Alba Cuns quen terá diante a súa principal opoñente Diaou Diallo do Ría Ferrol.
Lanzamentos
Na categoría Sub16 con Lara Iglesias do Samertolameu será a atleta destacada do lanzamento de xavelina. No concurso de peso especial atención á actuación da subcampioa de España Sub18 Xiana Lago do Ría Ferrol, quen estará lanzando sobre as pistas lucenses ao igual que Gema Dacosta do Vila de Cangas na categoría inferior.
Probas combinadas
En canto ao Campionato de Galicia de Probas combinadas, a presenza máis salientable correrá a cargo da subcampioa de España de pista cuberta 2020 en altura Carlota Salgado, do A.F. Celta na categoría Sub18.
Marta Lázara do Deza acude ao sub16 cunha MMP de 2.883 p. lograda no pasado Campionato de Galicia de Probas combinadas por clubs.
