O CV Arenal Emevé perde a unha das xogadoras máis relevantes do seu plantel. Lucía Prol deixa Lugo para fichar polo Sanaya Libby’s La Laguna (ou CV Haris) e competir coa camiseta canaria desde a próxima tempada.
“Estou moi contenta de formar parte na próxima tempada do Sanaya Libby’s La Laguna, é un novo reto e nova experiencia para min, xa que é a primeira vez que cambie de club”, admitía a lucense de 21 anos.
Prol atópase actualmente concentrada coa Selección Española absoluta preparando o preeuropeo. Ao longo dunha excelente tempada ás ordes de José Valle, a galega foi quen de colocarse entre as mellores da xornada en varias ocasións, sendo finalmente unha das mellores receptoras da competición.
Lucía Prol: “Teño moitas gañas e vou disposta a dar o mellor de min para aportar todo o que poida e máis ao equipo”
Agora, por primeira vez, deixa a súa Galicia natal. “Teño moitas gañas e vou disposta a dar o mellor de min para aportar todo o que poida e máis ao equipo e conseguir os obxectivos plantexados. E sobre todo facer desfrutar á afección que sei que sempre vai estar apoiándonos”, declarou desde a concentración.
📲💬 Desde la concentración de la Selección Absoluta Femenina en Guadalajara, @LuciaProl ha querido enviarnos un mensajito…💙
¡Nos vemos en la isla, leona! 🦁🌴 pic.twitter.com/R7SpwF6wXY
— CV Haris (@CVHaris) April 23, 2021
Nesta concentración, Prol coincide xa cunha das súas futuras compañeiras, Patricia Llabrés, quen xa se encargou de darlle a benvida.
Con mi nueva compañera de equipo 💪🏼 vamosss @CVHaris 💙🤍 pic.twitter.com/QexRIUtrK0
— Patricia Llabrés (@PatriciaLlabrs) April 23, 2021
Prol trasládase ás Canarias para competir en Europa
Neste novo club, Lucía Prol busca “crecer como xogadora e mellorar tan to a nivel deportivo como persoal”. Segundo apunta o propio equipo canario, a galega aceptou a oferta porque “é un dos equipos punteiros da Liga e no que teño ganas de xogar”, incidindo na “ilusión no que supón competir en Europa”.
Máis aló do individual, a xa ex xogadora do Emevé, declarou que “quero loitar polos postos de arriba, pelexar todos os partidos para levarnos o título da Liga Iberdrola e clasificarnos para a Copa da Raíña co obxectivo de conseguila. Imos intentar loitar por títulos importantes”, engade.
