“Un soño? Chegar a Primeira e disputar a Champions”.
“O Dépor ABANCA está demostrando que ten un gran plantel e que poden estar ahí arriba, pelexando entre os cinco primeiros”.
“A firma do convenio é necesaria. Ao final co que se xoga é co fútbol feminino e co noso futuro. Espero que se arranxe pronto e que mellore a situación das futbolistas”.
A galega Lucía Pardo Méndez “LP” (05–01-2000, Outeiro de Rei) é unha das perlas do Peluquería Mixta Friol. Gústalle partir desde ambas bandas e aproveitar a súa calidade e explosividade para filtrar bos pases entre liñas. Ás veces capitá, e case sempre determinante nas vitorias do seu equipo. Como no caso da antesala de esta entrevista na que o Friol gañaba 3-1 ante o Atlético de Madrid “B” no Municipal de A Reigosa. A perla de Outeiro de Rei foi determinante anotando un hat trick.
– As Nosas: Aínda eres moi nova pero como foron os teus comezos no fútbol? Primeiro no Milagrosa e logo xa no Friol…
Lucía Pardo: Antes de esa etapa estiven no club do meu pueblo e logo fichei polo Azkar de fútbol sala. Despois xa fun para o Milagrosa de fútbol once, onde empecei a xogar con nenas. Por último, cheguei aquí a Friol, onde sigo na actualidade.
– AN: Esta sendo unha campaña complicada en canto a resultados. Cómo valoras a situación do club no que vai de tempada? Nótase moito o salto de categoría?
L.P.: Estabamos nunha situación difícil no que sumabamos moitos partidos perdidos seguidos pero hoxe fumos capaces de gañar. Quedámonos cunha sensación positiva tras a vitoria de hoxe e iso vaise notar nos próximos partidos, seguro. Nótase moito o salto de categoría pero estamos demostrando que podemos xogar aquí.
– AN: Cal é o teu referente futbolístico?
L.P.: Eu sempre fun de Ronaldinho e agora gústame moito Messi.
– AN: Un soño por cumplir no fútbol…
L.P.: Chegar a primeira e poder disputar a Champions.
– AN: Como foi xogar en novembro coa Selección Española Feminina Promesas?
L.P.: Foi incrible. Estou moi contenta porque grazas as miñas compañeiras puiden chegar a xogar coa Selección. Estou encantada de poder compartir uns momentos con xogadoras de primeiro nivel.
– AN: Que sentíches ao anotar o golazo de vaselina coa selección española promesas?
L.P.: O gol salíume a mín pero eu quédome con estar rodeada de xogadoras que eu vexo na tele.
-AN: Como valoras a tempada que está a facer o Dépor na súa estrea na Liga Iberdrola? Veste nun futuro xogando en Abegondo?
L.P.: Creo que foi unha sorpresa para todos. Elas tiñan o obxectivo da permanencia pero están demostrando que teñen un gran plantel e que poden estar ahí arriba, pelexando entre os cinco primeiros.
-AN: Veste nun futuro xogando en Abegondo?
L.P.: (Entre risas) Por agora só penso no amarelo.
– AN: Como te definirías como xogadora? Virtudes e defectos.
L.P.: Son unha xogadora bastante explosiva e con forza. Creo que o meu maior defecto é o salto e o remate de cabeza.
– AN: Gustaríache que houbera un derbi galego Dépor-Celta na elite do fútbol feminino?
L.P.: Claro, creo que iso axudaría moito a visibilizar o fútbol feminino. Ogallá algunha vez poidamos a ter ao dous grandes na elite.
– AN: Logo dunha folga das futbolistas e de chegar a un preacordo parece que o convenio colectivo segue parado e sobrevoa a opción doutra folga. Que opinión tes ao respecto?
L.P.: Parecía que ía todo ben pero de súpeto quedouse todo estancado. Ao final co que se xoga é co fútbol feminino e co noso futuro. Espero que se arranxe pronto e que mellore a situación das futbolistas.
– AN: Como é ser capitá con tan só 20 anos?
L.P.: Lévoo con responsabilidade e sen presión porque como capitá tes que impoñer e dar exemplo. As miñas compañeiras axúdanme moito sempre.
-Un prato galego que non te cansarías de comer? Polbo.
-Un monumento galego que sempre recomendas visitar. A muralla de Lugo.
-Dépor ou Celta? Friol
-Unha cancha na que soñas con xogar. Camp Nou.
-Unha xogadora que admiras da Liga Iberdrola. Jenny Hermoso.
