Despois do espectacular partido ante o Spar Citylift Girona, o equipo lucense volve a atoparse coa sua afección este fin de semana. Esta vez, o sábado (25 de xaneiro, ás 18.00 horas), reciben no Pazo Provincial dos Deportes o IDK Gipúzkoa.
“Non vai a ser nada doado. É un deses equipos que se reforzaron e ademais moi ben”, decía Carlos Cantero, o adestrador do Ensino, en rolda de prensa. “Non son o conxunto dos inicios. Foron engandido o que lles faltaba con Erika de Souza e a base Joyce Cousseins“.
O Durán Maquinaria (na 7º posición) atópase por diante de elas pero a verdade que non existe un nivel de diferenza moi amplio entre o cuarto e o décimo. “Agora están nunha dinámica positiva tanto que hai tres equipos por detrás de nós como Zaragoza, IDK e Campus Promete“.
En canto ao conxunto do País Vasco, Carlos deu as súas valoración: “Están moi fortes. Teñen un traspaso de garantía con Erika e Ariel Joy. A base dalles unha dinámica e un xogo que non tiñan antes e o quinteto de calidade que non tiñan antes”. Ademais de que tamén lles gañaron o Spar Citylift Girona no último segundo.
No partido da primeira volta, na xornada cinco, forzaron a prórroga na que fixeron un parcial de 8 a 7. En Donostía gañaron por tan só un punto ás lucenses por 59 a 58. A xogadora máis destacada por parte das locais foi Erika de Souza con 12 puntos. Nas nosas xogadoras, Shereesha Richards e Fiona O’Dwyer con 13.
Doble MVP nas lucenses: Richards e Nyingifa con 27 de valoración
O festival de Shereesha Richards e Atonye Nyingifa da semana anterior foi recoñecido pola Federación Española de Baloncesto. Ambas xogadoras lograron o MVP da xornada. É a quinta vez neste curso que dúas persoas comparten este logro, pero a primeira que as premiadas son dun mesmo equipo. Rareza da que ahora pode presumir o Lugo.
No plano individual, é o segundo que Nyingifa conquista esta tempada e o quinto da súa carreira na Liga Endesa. Distinción que pasa a constar na traxectoria da súa compañeira. No encontro número 91 da tempada regular, a xamaicana faise co seu primeiro MVP:
- Atonye Nyingifa: 19 puntos, 5 rebotes e 3 roubos.
- Shereesha Richards: 19 puntos, 7 rebotes e 5 faltas recibidas.
Sete vitorias nos últimos once duelo. “Os ánimos están moi ben no vestiario. A pesar de resaltar dúas xogadoras é unha labor de equipo. Que pase isto é bastante raro que dúas xogadoras consigan 27 puntos de valroación reforzando en resistencia, rebotes, asistencias e puntos”, dixo o adestrador de ambas.
A nova fichaxe, Brittany Dinkins estrenouse na casa e na Liga. “Foi un debut bastante positivo ao final foron 11 minutos con sete puntos. É unha xogadora que ten facilidade para anotar. Ten que afianzarse as regras defensivas e aos sistemas de ataque pero as sensacións foron moi boas”.
Agora mesmo, as lucenses son sétimas na clasificación da Liga. Só as separan da terceira posición cinco puntos. “Non pensamos nos play off, buscamos o partido a partido. Se gaña Gernika este fin de semana subimos un posto na táboa”, comentou o adestrador.
DATOS DE INTERESE
DURÁN MAQUINARIA ENSINO: Kalis Loyd, Ainhoa López, Aleksandra Stanacev, Laura Aliaga, Britany Miller, Atonye Nyingifa, Shereesha Richards, Bea Sánchez, Fiona O’Dwyer e Brittany Dinkins.
IDK GIPÚZKOA: Joyce Cousseins, María Erauncetamurgil, Mehryn Donegan, Oumoul Sarr, Erika de Souza, Laura García, Ellen Nystrom, Ariel Joy, Lara González e Iulene Olabarria.
DÍA E HORA: 25 de xaneiro, ás 18.00 horas.
CAMPO: Pazo Provincial dos Deportes – Lugo.
ÁRBITROS: Juan P. Morales Gª-Alcaide, Andrés Fernández Carretero e Alberto Lázaro Rodríguez.
INCIDENCIAS: Partido correspondente a xornada 18 da Liga Endesa no que enfrontará ao Durán Maquinaria Ensino contra o IDK Gipuzkoa no Pazo Provincial dos Deportes.
