Nesta fin de semana catro futbolistas galegos conseguían proclamarse campións de Europa na categoría Sub-19. Coa Selección Española feminina levantaron o trofeo Lúa Arufe e Lucía Rivas, e co combinado estatal Sub-19 masculino Anxo Rodríguez e Andrés Antañón.
O sábado proclamábanse campioas de Europa da categoría Sub-19 as futbolistas galegas Lúa Arufe e Lucía Rivas. A de Porto do Son e a de Caldas formaron parte da Selección Española Sub-19 que se fixo co título logo de superar a Alemania na final. España acadaba o título continental por quinta vez consecutiva.
Lúa Arufe milita no FC Barcelona, mentres que Lucía Rivas faino no Dépor Abanca. Ambas as dúas futbolistas galegas foron pezas claves nas distintas categorías das seleccións galegas e agora triunfan xa co combinado estatal demostrando que van a ser dúas futbolistas que dean moito que falar nun futuro moi próximo, tal e como apuntan desde a Real Federación Galega de Fútbol (Futgal).
Campionato de Europa tamén para dous futbolistas coa masculina
Na mesma idade, a Sub-19, pero na categoría masculina. Os canteiráns do Real Club Celta Anxo Rodríguez e Andrés Antañón facíanse coa medalla de ouro no Campionato de Europa Sub-19 formando parte do combinado estatal que dirixe Paco Gallardo.
