Lúa Arufe, convocada por Laura del Río para acudir á Selección Española Sub-15

Lúa Arufe, unha das nosas, está citada coa Selección Española Sub-15 feminina. A futbolista é xogadora do Victoria FC e da Selección Galega e vén de ser convocada pola seleccionadora estatal Laura del Río para afrontar o seu seguinte compromiso marcado no calendario: o Torneo Desarrollo da UEFA, segundo informa a RFEF.

 

Ver esta publicación en Instagram

 

Una publicación compartida de Victoria F.C. Féminas (@victoriafcfem)

España enfrontarase, en terras lusas, ás seleccións de Bélxica, Finlandia e Portugal. O equipo dirixido por Laura del Río, contará coa futbolista galega Lúa Arufe na convocatoria por primeira vez. España iniciará a súa concentración o vindeiro luns 21 de novembro. O bloque de futbolistas, entre as que estará Lúa Arufe vaise aloxar na Cidade do Fútbol de Las Rozas. Posteriormente, o mércores 23, desprazaranse ata Portugal para afrontar o Torneo Desarrollo da UEFA.

A continuación podes consultar o calendario dos enfrontamentos:

Lúa Arufe é subcampioa de España coa Selección Galega

A futbolista Lúa Arufe é unha das xogadoras máis importantes do fútbol feminino en Galicia. No Victoria FC xa sabe o que é acumular minutos na Primeira Nacional pese á súa idade e coa Selección Galega proclamouse a pasada campaña subcampioa de España tras caer na gran final ante Andalucía en Cartaxena, tal e como lembran desde a Real Federación Galega de Fútbol (RFGF)