Lúa Arufe e Antía Veiga, convocadas coa Selección Española Sub-17 para o Mundial

Dúas galegas están na lista da Selección Española Sub-17 que vén de facer pública a adestradora do combinado vermello, Milagros Martínez. Lúa Arufe (FC Barcelona) e Antía Veiga (RC Deportivo ABANCA) estarán na Copa Mundial Sub-17 da FIFA.

A lista xa é definitiva e a competición terá lugar en Marrocos do 17 de outubro ao 8 de novembro. As futbolistas elixidas pola seleccionadora, Milagros Martínez, vanse concentrar o 6 de outubro en Estepona. Alí estarán ata o día 15 preparando a cita mundialista co resto das convocadas as futbolistas galegas Lúa Arufe (FC Barcelona) e Antía Veiga (RC Deportivo ABANCA).

🚨 Estas son las 21 jugadoras convocadas por la @SEFutbolFem Sub-17 para el @FIFAWWC de Marruecos.

➡️ Las elegidas por Milagros Martínez se concentrarán en Estepona antes de viajar para jugar la Copa Mundial Femenina.

ℹ️ https://t.co/qqEJhmSIZ1#NuestraBase | #U17WWC pic.twitter.com/VRphOGdzar

— Selección Española Femenina de Fútbol (@SEFutbolFem) September 29, 2025

Segundo informan desde a Real Federación Española de Fútbol (RFEF) durante a etapa de preparación, a Selección Española Sub-17 realizará varias sesións de adestramento e xogarán dous partidos amistosos. O primeiro será diante de México o 8 de outubro. O día 12 de outubro o rival de España será Estados Unidos. Os partidos terán lugar no Marbella Football Center, e ambos os dous vanse disputar a porta pechada.

Ademais das 21 futbolistas convocadas, a portera Goiatz Ferraz Ibarrondo, del Athletic Club, irá en calidade de reserva para a fase de preparación en Estepona.