Non hai dúas sen tres, e a terceira capitá do Mecalia Atlético Guardés tamén queda no equipo e será parte do bloque de xogadoras que adestrará José I. Prades. Ela tamén confía en que o seguinte partido da Challenge Cup será distinto “non vai ser igual ao de ida nin de lonxe, teremos que traballar o dobre e estar moi concentradas. Creo que levamos demostrado que podemos con todo e que nos deixamos a pel en cada partido e o domingo non vai ser menos. Estar nunhas semifinais é o noso soño e non imos deixalo escapar sen pelexar”.
– Chegaches en 2018 e aos poucos gañáchesche o recoñecemento de compañeiras e afección. Que che convenceu para seguir un ano máis na Guarda?
LORENA PÉREZ: Gústame moito o proxecto e este ano está a ser un gran ano, tanto a nivel persoal como deportivo. Este equipo ilusiona e traballa moi duro, dá gusto formar parte del. Ademais persoalmente atópome moi a gusto na Guarda e apetecíame moito seguir aquí.
– Pasaches de ter que compartir posto con Naiara Egozkue a ter que asumir máis responsabilidade sendo a extremo titular coa baixa de Laura Morais. O teu traballo e esforzo non está a pasar desapercibido para ninguén. Pero, que tal che atopas ti?
LORENA PÉREZ: Atópome nun momento de forma moi bo, creo que é froito do traballo e da confianza que recibo por parte das miñas compañeiras, corpo técnico, directiva e afección. Sinto moi querida e iso fai que poña moitas ganas e estea motivada para facelo o mellor posible. Creo que aínda me queda moito máis por dar e que seguindo nesta liña as cousas van ir moito mellor. Non me poño límites e iso gústame porque cada día é unha nova oportunidade e teño moitas ganas de devolver a confianza que se deposita en min.
Lorena Pérez: ” Sinto moi querida e iso fai que poña moitas ganas e estea motivada para facelo o mellor posible. Creo que aínda me queda moito máis por dar e que seguindo nesta liña as cousas van ir moito mellor”
Lorena Pérez: “É fundamenta que sigan xogadoras como Afri ou Marisol”
– Prades, Sempere, Carratú e ti. Primeiros alicerces para a próxima tempada.
LORENA PÉREZ: Creo que é fundamental que xogadoras tan importantes con Afri ou Marisol sigan connosco e sobre todo que queiran e confíen no proxecto que se está facendo. Son xogadoras moi importantes en pista, pero sobre todo a nivel vestiario. Achegan moitísimo e para min son imprescindibles.
– O verán pasado o equipo tivo unha renovación moi profunda. Esperabas que o grupo estivese a responder así?
LORENA PÉREZ: O grupo non deixa de sorprenderme, o traballo e esforzo que se realiza día a día é incrible. Non me esperaba este rendemento pero basicamente porque non é fácil chegar novo e adaptarse tan rápido a un grupo e a un estilo de xogo. Creo que todas nos adaptamos moi rápido e o nivel de compromiso e sacrificio é brutal. Este equipo convida a soñar e a soñar moi alto.
Lorena Pérez: “Este equipo convida a soñar e a soñar moi alto”
– Pelexando pola segunda praza da Liga Guerreras, de volta nunha fase final da Copa da Raíña e en cuartos da Challenge Cup… Se tiveses que pedir un desexo para o que resta de curso, cal sería?
LORENA PÉREZ: O meu desexo é gañar algo con este grupo, a nivel equipo creo que nos merecemos unha recompensa por todo o traballo e esforzo que día a día realizamos. Despois por todo o apoio que temos, desde directiva e sobre todo afección. É moi gratificante sentirse tan queridas e apoiadas, creo que é unha boa recompensa que todos xuntos podamos celebrar algún título.
– Ves posible a remontada o vindeiro domingo?
LORENA PÉREZ: Vexo posible a remontada. Creo firmemente que o partido non vai ser igual ao de ida nin de lonxe, teremos que traballar o dobre e estar moi concentradas, pero creo que levamos demostrado que podemos con todo e que nos deixamos a pel en cada partido e o domingo non vai ser menos. Estar nunhas semifinais é o noso soño e non imos deixalo escapar sen pelexar.
