Lino López seguirá un ano máis á fronte do corpo técnico do BAXI Ferrol. Así o confirmou na mañá deste martes o club ferrolán, que confía unha tempada máis no adestrador no regreso á LF Endesa. Pola súa parte, o técnico declarou sentirse “moi valorado e moi respetado”, polo que “quero agradecer ao club a confianza. O club é a miña casa, é a miña familia”.
Respecto a este regreso á máxima categoría, o adestrador ferrolán admitiu estar “moi ilusionado con esta nova etapa”, nun equipo no que “todos estes anos déronme a liberdade de confeccionar o plantel”. O orzamento do que disporán en Ferrol é aínda unha incógnita, polo que López sinala que haberá que agardar para comezar a completar o listado de xogadoras. “A Liga medrou moito e imos pelexar”, afirmaba o técnico.
O BAXI Ferrol de Lino López prepárase para a próxima tempada no máis alto
O presidente do BAXI Ferrol, Santi Rey, tamén se pronunciou ao respecto, indicando que “necesitamos o apoio dos aboados, que se fagan moitos novos e por iso imos poñer en marcha xa a campaña. Ademais, tamén empezaremos a visitar aos pequeños negocios e as empresas para buscar a súa colaboración”.
O obxectivo económico do club é “poder chegar ao medio millón de euros, peroa gora mesmo estamos moi lonxe disto. Necesitamos conseguir entre aboados e novas empresas máis de 150.000 euros e para iso imos traballar moi duro nas próximas semanas”, explicou o presidente.
Santi Rey, presidente do BAXI Universitario Ferrol: “Necesitamos a máis empresas e a máis afeccioados. Ferrolterra é unha comarca á que lle gusta o baloncesto e esperamos que os afeccioados e os empresarios o demostren”
Poñendo o foco sobre o BAXI, Rey aseguraba que a intención “é que siga e a de eles creo que tamén. Estamos empezando a falar e a principios de maio esperamos reunirnos e tratar de saír cun acordo de cara ao futuro, porque sería moi importante para a sostibilidade do club”.
O dirixente engadiu que “necesitamos a máis empresas e a máis afeccioados. Ferrolterra é unha comarca á que lle gusta o baloncesto e esperamos que os afeccioados e os empresarios o demostren”.
Lino López: “Sei que aquí son feliz, estou respaldado e valorado”
Pola súa parte, Lino López céntrase nas xogadoras e espera poder contar con algunhas das baloncestistas que lograron o ascenso no próximo curso. No que á súa continuación se refire, asinada ata 2025, o adestrador sinalou que “é independente da categoría na que militemos eses catro anos, que espero que sexa en Liga Feminina. Soño con ser feliz, desfrutar do baloncesto e poder vivir do que realmente me gusta non é doado. Sei que aquí son feliz, estou respaldado e valorado”.
