A viaxe longa pasoulle factura o Durán Maquinaria Ensino. Na xornada 14 da Liga Endesa, as lucenses perderon ante o Cadí La Seu no pavillón d’Esports por tan só seis puntos (74-68).
No inicio as de Lleida saíron moi fortes. Laura Peña manexaba o balón mentras que Sydney Wiese e Georgina Bahí aportaban a eficacia necesaria para que as locais estiveran 14 a 5 no marcador. O Ensino non lograba encontrar o acerto e tampouco eran capaces de contrarrestrar o bo nivel do xogo do Cadi La Seu.
Aleksandra Stanacev foi a encargada de liderar as de Lugo. Levaba un bo ritmo e isto fixo que as súas compañeiras encaixaran ás pezas necesarias para recortar a distancia no electrónico. Encontraron o burato nunha desconexión local e pecharon o primeiro parcial a dúas canastras por 18 a 14.
No segundo cuarto Stanacev e Shereesha Richards, con oito puntos e dous rebotes ofensivos, puxeron na corda froxa as xogadoras de Bernat Canut. Tiveron que subir a intensidade para igualar e poder contrarrestar as lucenses. Aos cinco minutos as locais iban de menos a máis e Tina Moore, Ariadna Pujol e Sydney Wiese fixeronlle dano as de Carlos Cantero. Eran superiores na loita do rebote e o xogo colectivo por parte de Laura Peña. Ao descanso, o marcador tiña unha diferencia de dezaseis puntos, 43-27.
Se a primeira parte foi gris para o Durán Maquinaria Ensino, a segunda tintouse de branco. No terceiro periodo gañaron de 7 (14-22). O conxunto da cidade galega estivo liderado por Laura Aliaga e Bea Sánchez. A defensa das locais provocou bastantes faltas. O cal fixo que ambas xogadoras anotaran con moita facilidade os tiros libres.
Nos dez minutos restantes, as xogadoras de Bernat Canut aguantaron mellor o xogo liderado unha vez máis por Laura Aliaga. Finalizou o partido con un 4 de 4 en triples e 19 puntos. No ataque local, Sydney Wiese encargouse de meter o seu equipo de novo no partido xunto a Georgina Bahí e Tinar Moore.
Pero, as tornas cambiaron. O rebote foi o pesadelo do Ensino. As luguesas volvían a fallar coma no inicio Adiadna Pujol estivo moi acertada e foi a clave para que as de Lleida leváranse o encontro.
Con este resultado, o Durán Maquinaria Ensino pecha o 2019 nos postos de play off con seis vitorias en catorce partidos xogados. Seguen na octava posición con vinte puntos.
A viaxe de volta ó Pazo Provincial
A semana que ven xa non teñen que facer ningún viaxe longo. O sábado (día 4 de xaneiro, ás 19.00 horas) volven a reencontrarse de novo co Pazo Provincial. Na xornada 15 recibe o Valencia B.C. O rival é terceiro na clasificación da Liga Endesa. Chegarán a Lugo cunha derrota ante o Star Citylift Girona por 62 a 73.
Pero no segundo partido da primeira volta o Ensino e o Valencia xa se enfrontaron. As de Carlos Cantero perderon en Valencia de corenta e seis puntos (95-49). A derrota máis pronunciada do que vai de Liga. Ademais as valencianas, contan cunha galega no seu plantel: Tamara Abalde.
A ferrolá é internacional coa selección de baloncesto feminino. Suma no seu palmarés a medalla de ouro no Eurobasket 2019 e o bronce no 2009. En Galicia, so estivo xogando no plantel do Celta desde o 2003 ao 2007. Polo que será o viaxe de retorno as canchas galegas no 2020.
FICHA TÉCNICA
CADI LA SEU: Nicole Moore, Laura Peña, Ariadna Pujol, Georgina Bahi, Sydney Wiese —quinteto inicial—, Irati Etxarri, María Lucila Pascua, Jovana Nogic e Elin Jelena Gustavsson.
DURÁN MAQUINARIA ENSINO: Aleksandra Stanacev, Jennifer Nyingifa, Laura Aliaga, Britany Miller, Bea Sánchez —quinteto inicial—, Ainhoa López, Shereesha Richards e Fiona O’Dwyer.
PARCIAIS: 18-14, 25-13, 14-22, 17-19.
