A galega Nerea Iglesias acadou a medalla de ouro no Campionato de España júnior de Loitas Olímpicas na categoría de -76kg. O hotel Roc Doblemar en Murcia acollía o campionato de España desa idade e tamé o U23.
“As medidas anticovid levaron a organización a plantexar un campionato a porta pechada, e confinando a todos os deportistas nun hotel habilitado só para os participantes”, explica a Federación Galega de Loitas Olímpicas.
Os requisitos de inscripción e participación, obrigaban a presentar un test negativo de COVID-19, antes de desprazarse a competición. “Unha vez alí, as medidas de distanciamento e test aleatorios, foron a norma. Una organización impecable, tal e como marca o protocolo establecido”, asegura a Federación Galega de Loitas Olímpicas. Precisamente para minimizar os riscos provocados pola crise sanitaria, Galicia acudiu cun equipo moi reducido á competición.
Os nomes propios da selección Galega foron a deportista Nerea Iglesias da escola Ayude de Santiso, que acadou a medalla de ouro na categoría júnior de -76 kg e Omar Rodríguez do Club de Loita Sabarís de Baiona, que gañou en -86 kg na categoría U23.
Os resultados completos do Campionato de España de Loitas Olímpicas poden consultarse aquí.
