A Revista de Historia e Cultura Mazarelos lanza unha nova serie documental baixo o título ‘Loitar saben’. Nela explóranse historias de mulleres pioneiras e transgresoras, como o das fundadoras do Loiba feminino.
Segundo apunta a propia publicación, este proxecto ten como finalidade “amosar a capacidade superación no eido do traballo e no crecemento destas, dando como resultado a evolución e a condición de transgresor o seu día a día”. Esta iniciativa foi realizada ao abeiro do Fondo de Proxectos Culturais Xacobeo 2021-2022 da Xunta de Galicia.
O primeiro episodio de Loitar saben achégase a Fisterra para coñecer a cinco veciñas que amosan un día de traballo na súa vida cotiá. “A súas xornadas estaban marcadas polas tarefas domésticas e de coidados pero tamén sempre cun ollo no mar, o cal era o principal sustento que tiñan, vendendo os produtos que este lles ofrecía”, explican desde Mazarelos.
Cambiando a localización a Loiba, o documental descobre a historia de un grupo de nenas que a finais dos anos oitenta formaron un equipo de fútbol pioneiro, converténdose nun dos primeiros conxuntos femininos da zona. “Malia que a experiencia durou pouco tempo, axudou de forma significativa a crebar cos estereotipos de xénero”, apuntan, engadindo unha reflexión sobre o despoboamento rural e as dificultades para retomar o proxecto ante a falta de nenas.
Desfruta aquí do segundo capítulo de ‘Loitar saben’, centrado no UD Loiba feminino.
O título elixido para esta serie documental, Loitar saben, é unha homenaxe a un dos versos finais dun poemas da obra Follas Novas de Rosalía de Castro: “¡Que vivan, pois loitar saben!”
