O CV Arenal Emevé comeza a despegar na Liga Iberdrola de Voleibol. A vitoria contra o Avarca Menorca da sétima xornada marcou o camiño e, desde entón, o Arenal Emevé está de celebración. Nas últimas dos xornadas as xogadoras lucenses coláronse entre as mellor valoradas. Agora, teñen un novo reto por diante, seguir superando os bos números recibindo ao Feel Volley Alcobendas o sábado ás 20:00 horas.
Na última xornada, a loitadora Carolina Camino foi nomeada mellor xogadora da xornada e entra, xunto con Inmaculada Lavado, entre as Estrellas da Liga da semana. Camino foi a segunda mellor atacante, con 28 puntos e Lavado a segunda mellor sacadora, con 3.
Así, as xogadoras de Diego Taboada afrontan con ilusión e enerxía o encontro ante o quinto clasificado. Pero o Alcobendas tamén conta con a súa propia Estrella. Trátase de Sofía Elizaga, a segunda mellor receptora da categoría.
Ambos equipos gañaron dous dos seus últimos tres partidos, polo que o encontro prevese que será igualado. Atendendo aos enfrontamentos entre estes dous clubs doutras tempadas, as madrileñas impuxéronse nun maior número de ocasións, levándose tamén o último encontro.
Límite de seareiras para ver ao Arenal Emevé
O aforo, para un partido que será clave para que o Emevé abandone os últimos postos, estará limitado a 50 persoas polas restriccións sanitarias. As loitadoras disputarán esta novena xornada o sábado, 21 de novembro, ás 20:00 horas no Pavillón dos Deportes de Lugo.
