As galegas do CV Arenal Emevé deron un paso de xigante na loita por manterse na máxima categoría do voleibol feminino estatal, a Liga Iberdrola, ao vencer 3-0 ao FC Cartagena Algar Surmenor. Tratábase dun rival directísimo pola permanencia e vencer era de vital importancia para os intereses das de José Valle. A ledicia que sentían as lucenses ao anotar o punto de set e de partido dan proba diso.
é ➋➎ ➋➎ ➋➎
➊➐ ➊➎ ➊➒Si, si, si…
Victoria y salvación “casi” asegurada.# !!!
pic.twitter.com/BGs59Eujvo— cvemevelugo (@cvemevelugo) February 20, 2021
No primeiro set as murcianas no tiveron oportunidade ante as loitadoras. O Cartagena atopouse cun CV Arenal Emevé moi metido no partido e atinado na execución. Unha semana máis Lucía Prol non fallou e contou, desta volta coa axuda inestimable de Marta Otero e Liagki. Ao final do set as locais vencía cun tanteo de 25-17.
Aínda foi maior a vantaxe ao final do segundo set que o CV Arenal Emevé se adxudicaba sen moitos problemas cun 25-15.
No terceiro set, moi pendentes de que as visitantes non se meteran no choque e forzaran seguir xogando, as lucenses foron sempre por diante e souberon tirar proveito das súas accións de ataque de Otero, Liagki, Lucía Prol e unha Inma Lavado que deixou varias diagonais curtas e longas de bela factura. Con todo, este set foi máis igualado co Algar agarrándose ás súas últimas opcións do partido.
Calma, serenidade, nervos de aceiro e constancia levaron ás pupilas de José Valle a asinar o 25-19 que lles daría o partido en tres sets. O punto definitivo foi un smash de Inma Lavado que pechou o partido e unha vitoria que, practicamente, garante a preseza das loitadoras unha tempada máis na Liga Iberdrola.
O CV Arenal Emevé, pendente dos resultados do Cartagena
O conxunto lucense podería ter asinado con este trunfo o seu concurso a vindeira tempada na Liga Iberdrola. É precisamente o seu rival desta fin de semana o único que podería arrebatarlles, arestora, esa meta.
O FC Cartagena Algar Surmenor é colista pero ten aínda pendentes de disputa tres partidos. O da vindeira semana, previsto para o sábado 27 de febreiro ás 19:00 horas, será contra o Madrid Chamberí, as penúltimas. Así que ese cruce entre dúas rivais polo descenso é outro partido a vida ou morte.
Case sen tempo para recuperarse, terán diante súa o seguinte reto as xogadoras do FC Cartagena Algar Surmenor. Terán que recibir ao Cajasol Vóley Dos Hermanas no pavillón Escolar El Algar o domingo 28 de febreiro ás 16:30 horas.
Xa o último compromiso do FC Cartagena Algar Surmenor é visitar no Polideportivo El Ferial ao Osacc Haro Rioja Vóley o 3 de marzo ás 18:00 horas.
Pola súa parte, ao Club Voleibol Arenal Emevé réstalle unicamente visitar o 6 de marzo ao Feel Volley Alcobendas ás 18:00 horas no Pabellón Luis Buñuel. As madrileñas son cuartas e acaban de ganar en tres sets ás súas inmediatas perseguidoras, o C.V. Kiele.
Ver esta publicación en Instagram
FICHA TÉCNICA
3) CV ARENAL EMEVÉ: Audrey Alford, Inma Lavado, Lucía Prol, Inés Rivas Fiel, Liagki e Marta Otero – sexteto inicial -. Tamén xogaron: Cassie Buján (líbero), Carolina Camino, Sara Urrea e María Sanjurjo,
0) FC CARTAGENA ALGAR SURMENOR: Annita del Nero, Fernanda Grizbach, Denia Bravo, Encarnación García, Erika Cano e Paula García – sexteto inicial -. Tamén xogaron: Isabel Barón (líbero), Cegarra e Miriam López Sáez.
PARCIAIS: 25-17, 25-15 e 25-19.
ÁRBITROS: Carlos Alberto Robles García e Jesús Antonio Soria Ibazeta.
INCIDENCIAS: Pazo Municipal dos Deportes de Lugo. Partido correspondente á xornada 21ª da Liga Iberdrola. O encontro disputouse a porta pechada debido ás restricións de público que hai nos espectáculos deportivos en Galicia para frear o avance da pandemia de COVID-19.
