Hoxe sábado 19 de febreiro a loita galega prepárase para os estatais. Faino cunha concentración que xuntará a 128 deportistas.
O obxectivo destas convocatorias das distintas modalidades de loita é afinar a preparación das seleccións galegas que van participar nos campionatos de España. En concreto realizaranse as seguintes concentracións autonómicas:
- Loitas Olímpicas, no CGTD de Pontevedra.
- Grappling, no Gimnasio CAMM de Santiago de Compostela.
- Sambo no CPI Pontecesures no concello de Pontecesures. Categorías cadete, juvenil e absoluto. Estará dirixida polo técnico Andrés Senín.
En total esta fin de semana vanse movilizar un total de 128 deportistas, con opcións de participar nos campionatos de España das súas disciplinas.
Os próximos obxectivos dos combinados galegos:
- Campionato de España de Loita Grappling, 25, 26 e 27 de febrero en Sevilla.
- Campionato de España de Loitas Olímpicas, 5 de marzo en Sagunto.
- Campionato de España de Loita Sambo, 5 e 6 de marzo en Sagunto.
Este ano 2022 é unha temporada especialmente densa en número de competicións, segundo explican desde a Federación Galega de Loita (FEGALOITA), xa que coa nova situación sanitaria, o aumento de novos competidores, elevou o número de licencias Federadas a un novo récord histórico no mes de febrero, no que se alcanzou a cifra de máis de 1.500 deportistas federadas/os.
