A dez minutos do final do partido o HC Deportivo Liceo saboreaba unha posible nova vitoria a domicilio, pero de repente, o PHC Sant Cugat espertou e remontou o choque ata o 3-1 arrebatando os tres puntos dos fuciños das liceístas.
Unha remontada en contra privou ao HC Deportivo Liceo de sumar outra vitoria para o seu gran segunda volta. O PHC Sant Cugat aproveitou o seu feudo e dez minutos decisivos para darlle a volta ao tanto inicial de Adriana Soto e deixar ao conxunto que adestra Stanis García, iso si, nunha situación de todo menos preocupante. A pesar do tropezo continuará na sexta praza cos 38 puntos sumados ata o de agora.
O encontro foi cociñado a lume lento polo HC Deportivo Liceo, como habitualmente planea. O mencionado gol da pichichi arxentina chegou no minuto 18 mediante un penalti, segundos antes de que Alba Garrote errase outro. O fallo non impediu que as liceístas controlasen o partido no seu maior parte.
Con todo, a partir do minuto 40 torceuse o guion. Laia Paredes empatou o encontro e, tras uns momentos de abalo, o hoquei sorriu ao PHC Sant Cugat. Remontou o partido no 49 grazas a Txell Gimeno e matouno a falta de segundos mediante María Just. Un cruel final de partido para as verdibrancas. Dez minutos para borrar.
A seguinte cita do Liceo, a Copa da Raíña co Vila-Sana
A OK Liga Iberdrola detense agora para dar paso á Copa da Raíña, co HC Deportivo Liceo como un dos conxuntos participantes. Stanis García, e as xogadoras que prepara, enfrontaranse a un dos cocos: o Vila-Sana. A cita está marcada para o xoves 5 de maio ás 21:00 h.
Máis adiante, o regreso da competición regular, que traerá a visita do pechacancelas Girona ao Palacio dos Deportes de Riazor.
FICHA TÉCNICA
3 ) PHC SANT CUGAT: Irache Candal; Laura Porta, Txell Gimeno, Alba Ambrós e Laia Paredes – quinteto inicial -. Tamén xogaron: Aida Antón, Andrea Massons, María Just, Anna Martín e Cris Elié (porteira suplente).
1) DEPORTIVO LICEO: Viki Caretta; Alba Garrote, Lara Yáñez, Adriana Soto e Cris Diz – quinteto inicial -. Tamén xogaron: Bea Gaete, Ale Martín, Lucía Yáñez e Mencía Mosquera (porteira suplente).
EQUIPO ARBITRAL: Marc Ortells Álvarez. Sen xogadoras amonestadas.
GOLES: 0-1 Adriana Soto, de penalti, min. 18. 1-1 Laia Paredes, min. 41. 2-1 Txell Gimeno, min. 49. 3-1 María Just, min. 50.
INCIDENCIAS: Jornada 23 da OK Liga Iberdrola 2021/22. Pavelló de Sant Cugat.
