O Dépor ABANCA de Miguel Llorente ten este sábado unha cita moi importante no calendario. A falta de cinco xornadas, e co ascenso aínda no horizonte, as deportivistas reciben a un Espanyol tamén en loita pola promoción (TVG2, 12:00h.).
O adestrador do grupo pasou por rolda de prensa, onde confirmou que o equipo ve este encontro como importante “pero tamén son importantes os catro restantes. Estamos pensando no Espanyol, pero tamén nos de despois”. Para o duelo, o técnico só contará con Patri López e Cris como baixas.
Opcións de ascenso
O ascenso áinda é unha realidade nos plans branquiazuis. Miguel Llorente recalcou que “a min gústame gañalo todo e o que queremos todas é gañar todo o que nos queda. Se botamos cálculos e gañamos todo o que nos queda, creo que estaremos moi preto do ascenso, pero temos que aferrarnos ao que depende de nós e iso é vitoria nestes cinco últimos”. Por este motivo, “non contemplo a opción de empatar nin perder, só gañar porque é o que nos vai achegar ao ascenso”.
Con todo, malia as dificultades das últimas semanas, o adestrador asegura que “estamos moi ben. É algo que xa pasou, que se investigou e estamos fortes, moi fortes. Recordáballo ás xogadoras, vexo unha enerxía similar ao partido contra Levante Las Planas da primeira volta. Vexo unha enerxía similar pese ao que pasou, que é difícil e loxicamente se resente. Puidemos falar, facía falta conversar, e creo que estamos moi fortes e están moi seguras de que farán moi bo partido e se todo vai ben poderemos sacar os 3 puntos adiante”.
Llorente: “Non cometín ningún acto irregular contra ninguén”
Mensaxe para a afección
“Creo que se está a ver un Dépor ABANCA diferente polas baixas e porque os rivais plantexan algo diferente. Temos que saber reinventarnos e pasar a formar parte dun tipo de xogo que posiblemente na primeira volta non faciamos, pero é positivo saber adaptarte. Intentamos un Dépor ABANCA divertido, competitivo e a partir de aí non fai falta convencer. Vai estar cheo porque saben o que nos xogamos e son cinco partidos e cinco finais”.
Asi ve Llorente ao Espanyol
Para este sábado, Llorente explica que “non me espero un Espanyol que veña agardarnos atrás. A dúbida ser se tres cuartos ou arriba, pero non creo que un equipo como o Espanyol veña esperaa atrás, porque se xoga moito. Temos nós máis que perder que elas, pero creo que será un partido moi similar, ou cremos que será similar, ao da primeira volta. Esperamos un Espanyol de tres cuartos, non sei se quererán o balón, pero dubidamos que nos agarden, porque non me pegaría co caracter de adestrador e xogadoras”.
O “compás” das deportivistas “son os espazos, temos que guiarnos polos espazos do rival. Na primeira volta non se esperaban un equipo asociativo como o que faciamos, e esperaban en tres cuartos, algún en medio campo, pero a raíz de ver que rara vez xogabamos directo, os rivais apretan arriba. Aceptamos o reto pero se vides tedes que entender que o espazo esta ás costas e o rival ten que elixir. Se aprentan, o espazo está ás costas, senón, por diante. Intentamos poñer o balón no espazo para aproveitar mellor as accións coas xogaodras que temos que son de calidade”.
Llorente: “Este partido será diferente, e creo que estamos mellor, estou seguro”
Na ida, o Dépor ABANCA resultou perdedor, malia ter máis ocasións de gol. “Creo que todas recordamolo moito peor do que foi. Mirando o rival e repasando ese partido non foi mal partido, pero acabamos desdibuxándonos, porque non atopabamos espazos, pechábannos por dentro. Espanyol fixo bo traballo e levouse a vitoria porque fixo bo partido. Este partido será diferente, e creo que estamos mellor, estou seguro”.
