As atletas galegas non lograron subirse o podio, este fin de semana, no Campionato de Europa de Campos a Través celebrado en Lisboa. Tanto Solange Pereira como Uxía Pérez quedaron sen medalla. O colectivo de atletas galegos suma máis de 21 metais ao longo das 26 edicións desta competición se contabilizamos os logros colectivos e individuais, pero desta volta non houbo sorte.
O equipo de relevos mixto non puido revalidad o título colleitado o ano paso en Tuilburg. Del formaba parte a canguesa Solange Pereira xunto con Sergio Jimenez, Esther Guerrero e Pablo Sánchez. Este ano en Lisboa tiveron que conformarse coa cuarta praza da posición xeral cunha marca de 18.11 minutos. Despois das últimas edicións no máis alto, o gañador nesta edición foi Inglaterra cun plantel formado por Sarah Mcdonald, James Mcmurray, Alexandra Bell e Jonny Davies (17.55 minutos). Xunto a eles, a prata foi para Bielorrusia e o bronce para os franceses.
Uxía Perez, a tudense, volvía a vestir as cores da selección española. Na modalidade de cros, acabou no posto 30 cunha marca de 22.27 minutos. Quedouse a tan só 1′ 57” de Anna Emilie Møller (20.30 minutos). Isto permitiu que o conxunto hispano lograra a quinta praza por equipos. Os campións foros os holandeses, seguidos os irlandeses e dos ingleses.
As boas novas chegan desde o outro lado do Atlántico
Carmela Cardama conseguiu un novo récord de España en 5.000 metros (distancia “non oficial”). A atleta do Comesaña Sporting Club realizou a carreira en 15:25.41 na Sharon Colyear-Danville da Universidade de Boston. Tamén estableceu varios rexistros destacados na proba dos 3.000 metros cun tempo de 9:15.92. Esta marca pona un paso do récord galego sub 23 e absoluto de María Abel que está fixado en 9:15.53 desde o ano 1996. No caso dos 2.000 metros, acadou un tempo de 6:08.49. Estas dúas marcas son, sen dúbida, unhas excelentes credenciais asinadas por Cardama para dar comezo esta tempada invernal.
Non hai moito que a galega Claudia Rojo foi quen de subir o recórd autonómico absoluto e a marca da categoría sub 23 de pista cuberta ao asinar un total de 3.754 puntos. Fixoo ao, competir nunha proba de heptathlon desenvolta en Wichita.
