Ao termo do partido contra o Ulla Oil Rosalía, Lino López, adestrador do BAXI Ferrol, trasladaba aos medios o mal trago que pasou o grupo por mor da lesión de Jenna Allen. “Para o equipo a lesión de Jenna foi un shock, a verdade”.
Explicaba o técnico do conxunto ferrolá que no “descanso falamos de que precisamente por ela había que estar centradas no partido. Agora había xogadoras moi afectadas”. Lino López destacaba o valor do grupo que adestra salientando que en momentos duros coma este, da lesión dunha compañeira, “vese o grupo humán que temos. Vin xogadoras con bágoas nos ollos pola lesión de Jenna”, confesou o míster.
Segundo avanzaba Lino López, a lesión da xogadora norteamericana “é grave. É moi posible que a teñan que operar”.
Sobre o partido contra o Ulla Oil Rosalía que adestra Chiqui Barros, o preparador do BAXI Ferrol explicaba que na súa opinion: “dominamos o partido desde o primeiro minuto. En ataque anotamos con bastante facilidade pese a ter un porcentaxe de tres moi baixo. Se chegamos a estar en porcentaxes máis habituais hoxe a ventaxa tería sido un resultado moitísimo máis amplo”.
Argumentaba Lino López que nesta 13ª xornada da LF2 “aínda sen ter acerto (coido que no descanso levabamos 0 de 11 triples) dominamos o partido desde o inicio. En defensa, como sempre, sen deixar que o equipo contrario xogase”.
O preparador das ferrolás dicía estar “moi orgulloso do traballo de todo o equipo que estivo todo o tempo pelexando ao máximo, tirándose a por todos os balóns… Máis aló do resultado está a imaxe do equipo de pelexar cada segundo, de ser un equipo. Un día é unha a que está atinada no ataque e ao seguinte é outra. Todas pelexa, todas loitan, todas están comprometidas co equipo que para nós é o máis importante”, declaraba ante os medios.
Lino Lopez Amado comenta el partido Baxi Ferrol @UniFerrol 9️⃣3️⃣- Ulla Oil @RosaliaFEDESA 5️⃣0️⃣, disputado esta tarde en A Malata. #LF2 pic.twitter.com/vNGSYHxnOl
— Baxi Ferrol (@UniFerrol) December 19, 2020
A vitoria 13 foi gafe para o BAXI Ferrol que viu como se lesionaba Jenna Allen
